Den gheheelen Bybel, Inhoudende het oude ende nieuwe Testament (Leuvense bijbel 1548)

Den .C.xxxvi. Psalm.

Super flumina.

1

OP die vloeden van Babylonien daer hebbe wy gheseten ende gheweent, als wy dachten op Sion.

2

Aen die wilghen int midden van haer, hebben wy onse muysijck instrumenten ghehanghen.

3

Want daer hebben sij ons ghevraecht die ons ghenanghen wech hebben gheleydt, die woerden vanden sanghen.

Ende die ons wech gheleyt hebben, Singhet ons eenen loffsanck vanden sanck liedekens van Sion.

4

Hoe sullen wy singhen den loffsanck des Heeren, in een vreemt lant?

5

Eest dat ick ws verghete Ierusalem, soe moet vergheten worden mijn rechte hant.

6

Mijn tonghe moet cleuen aen mijn kaken, eest dat ick ws niet en ghedincke.

Eest dat ick Ierusalem niet voer en stelle, int beghinsel van mijnder blijsscappen.

7

Weest ghedachtich Heere der kinderen van Edom, in den dach van Ierusalem.

Die daer segghen maect ydel, maect ydel tot in haer fundament toe.

8

Ghy allendighe dochter van Babylonien salich is hy die v wedergheuen sal uwen loon, den welcken ghy ons gheloont hebt.

9

Salich es hy die houden sal, ende slaen haer cleyn kinderen tseghen den steen.