Den gheheelen Bybel, Inhoudende het oude ende nieuwe Testament (Leuvense bijbel 1548)

Den .C.xxvi. Psalm.

Nisi dominus aedificauerit.

1

TEn sij dat die Heere het huys timmere, soe hebben sij te vergheefs ghearbeyt die dat timmeren.

Ten sij dat die Heere die stadt beware, te vergheefs waect hy diese bewaert.

2

Tes v te vergheefs voer den dach op te staen, staet op na dat ghy gheseten hebt, diet broot der pijnen etet.

Als hy sijnen wtuercorenen slaep sal ghegheuen hebben

3

siet die erffenisse des Heeren sijn die kinderen, den loon van die vrucht des buycs.

4

Ghelijck die schichten in die hant vanden machtighen, alsoe sijn die kinderen vanden wtghescudden.

5

Salich is die man die sijn begheerten veruult heeft van desen, hy en sal niet bescaemt worden als hy sijn vianden aenspreken sal in die poorte.