Den gheheelen Bybel, Inhoudende het oude ende nieuwe Testament (Leuvense bijbel 1548)

Den .xciij. Psalm.

Deus vltionum.

1

GOd die heere der wraken god der wraken heeft vrijlijck ghedaen,

2

wort verheuen die deerde ordeelt, gheeft vergheldinghe den hoouerdighen.

3

Hoe langhe sullen die sondaers Heere, hoe langhe sullen die sondaers glorieren?

4

Hoe langhe sullen sij wtclappen ende spreken boosheyt, ende spreken alle die onrechtuerdicheyt doen.

5

V volck Heere hebben sij vernedert, ende v erffenisse hebben sij ghequelt.

6

Die weduwe ende den aencomelinc hebben sij doot gheslaghen, ende die weesen hebben sij ghedoot.

7

Ende sij hebben gheseyt. Die Heere en sals niet sien noch Iacobs Godt en sals niet verstaen.

8

Verstaet ghy onwijse onder tvolck, ende ghy dwase wort eenich tijt wijs.

9

Die de oore gheplant heeft, en sal hy niet hooren? oft die dooghe ghemaect heeft en siet hy niet?

10

Die de Heydenen straft en sal die niet berispen, die den mensch wetenheyt leert.

11

Die Heere weet die ghedachten der menschen, want sij ydel sijn.

12

Salich is die mensch den welcken ghy Heere onderwijst, ende hem van uwer wet leert.

13

Op dat ghy hem soudt versoeten van die quade daghen, tot dat den sondaere een grachte ghegrauen worde.

14

Want die Heere en sal sijn volck niet verstooten, ende sijn erffenisse en sal hy niet verlaten.

[p. *475]

15

Tot dat die rechtuerdicheyt ghekeert worde in recht ordeel, ende die bi haer sijn alle die oprecht van herten sijn.

16

Wie sal voor my staen teghen die quaetwillighe, oft wie sal met my staen teghen die quaetdoenders?

17

Ten ware dat die Heere mi gheholpen hadde, soo hadde seer by nae mijn ziele in die helle ghewoont.

18

Seyde ick. Mijnen voet is beroert, soo hielp my Heere uwe bermherticheyt.

19

Nae die menichfuldicheyt mijnder droeffenissen in mijn herte, soo hebben v vertroostinghen mijn ziele verblijdt.

20

Cleeft aen v niet den stoel der boosheyt, ghi die arbeyt versiert te wesen int tghebodt?

21

Sij sullen raet houden teghen die ziele vanden rechtuerdighen, ende dat onnoosel bloet sullen si verdoemen.

22

Ende die Heere is mi gheworden tot een toeulucht, ende mijn Godt in die helpe mijnder hopen.

23

Ende hy sal hen verghelden hen boosheyt, ende in hen quaetheyt sal hijse vernielen, die Heere onse God salse vernielen.