Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]EEst dat ghy sekerlijck spreect rechtuerdicheyt, soo ordeelt rechtelijck ghy kinderen der menschen. | |
2[3]Want inder herten wercte ghy lieden boosheyt, ende in die aerde bedrijuen v lieder handen onrechtuerdicheden. | |
3[4]Die sondaers sijn vervreemt van der moeder, sij hebben ghedoelt vanden buyck, sij hebben valscheden ghesproken. | |
4[5]Hen rasernie is nae die ghelijckenisse van een serpent, ghelijck der doouer aderen, haer ooren toe stopppende. | |
5[6]Die niet en sal verhooren die stemme vanden besweerders, des tooueraers die wijselijck besweert. | |
6[7]Godt sal hen tanden heel in stucken breken in haren mont, die baectanden der leuwen sal die Heere breken. | |
7[8]Tot niet sullen sij comen als een aff vlietende water, hy heeft sijnen boghe ghespannen tot dat sij cranck worden. | |
8[9]Ghelijck smeltende was, sullen sij wech ghenomen worden, daer is vier op gheuallen ende sij en hebben die sonne niet ghesien. | |
9[10]Eer dat v dornen den Ramnus verstonden, ghelijck die leuende alsoo sal hy die in sijn gramscap verslinden. | |
10[11]Die rechtuerdighe sal hem verblijden als hy die wrake sien sal, sijn handen sal hy wasschen int bloet des sondaers. | |
11[12]Ende die mensche sal segghen, is den rechtuerdighen oock sekerlijck vrucht? Soo is sekerlijck Godt diese ordeelt opder eerden. |
|