Den gheheelen Bybel, Inhoudende het oude ende nieuwe Testament (Leuvense bijbel 1548)
(2008)–Anoniem Leuvens bijbel 1548–
Auteursrechtelijk beschermd1[2]DIe hemelen vertellen die glorie Gods, ende die wercken sijnder handen vercondicht dat firmament. | |
2[3]Den dach seyt den daghe het woort, ende den nacht gheeft den nacht te kennen die wetenheyt. | |
3[4]Ten sijn gheen spraken noch woorden, der welcker stemmen niet ghehoort en worden. | |
4[5]In alle dat aertrijck is hen stemme wtgheghaen, ende in die eynden van den omganck der aerden hen woorden. | |
5[6]In die sonne heeft hy sijn tabernakel ghesteldt, ende hy als eenen brudegom voortcomende wt sijn slaepcamer. Heeft hem verhuecht als eenen ruese, om den wech te loopen, | |
6[7]van den oppersten hemel is sijnen wtganck. Ende sijnen toeloop is totten oppersten van dien ende daer en is niemant die hem verberghen mach van sijnder hitten. | |
7[8]Die wet des Heeren is ombesmedt, bekeerende die zielen, tghetuyghenis des Heeren is ghetrouwe, gheuende wijsheyt den cleynen kinderen. | |
8[9]Die rechtuerdicheden des Heeren sijn recht, verblijdende die herten, tghebodt des Heeren is claer, verlichtende die ooghen. | |
9[10]Die vreese des Heeren is heylich duerende van eewe tot eewe, die ordeelen des Heeren sijn warachtich, gherechtuerdicht in hen seluen. | |
10[11]Begheerlijck bouen gout ende seer costelijcke ghesteenten, ende sueter dan honich ende honichraten. | |
11[12]Want v dienaer die bewaertse, in die te bewaren is groote vergheldinghe. | |
12[13]Wie verstaet die versuemenissen, van mijnen verborghentheden suyuert my, | |
13[14]ende vanden vreemden sonden spaert uwen dienaer. Eest dat sij ouer my gheen heerscappie en crijghen, soo sal ick ombesmedt sijn, ende ic sal ghesuyuert worden van die alder grootste misdaet. | |
14[15]Ende die redenen mijns monts sullen wesen om te behaghen, ende die aendacht mijnder herten is in v aenscouwen altijt. Heere mijn helper, ende mijn verlosser. |
|