Den gheheelen Bybel, Inhoudende het oude ende nieuwe Testament (Leuvense bijbel 1548)

Den .iij. Psalm.

Domine quid multi.

1

HEere waer om sijn sij vermenichfuldicht die my quellen? veel staender op teghen my.

2

Veel segghen mijnder zielen haer en is gheen salicheyt in haren Godt.

3[4]

Maer ghy Heere sijt mijn ontfanghere, mijn glorie, ende verheffende mijn hooft.

4[5]

Met mijnder stemmen heb ick totten Heere gheroepen, ende hy heeft my verhoort van sijnen heyleghen berch.

5[6]

Ick heb gheslapen ende ben vast ontslapen gheweest, ende ick ben opghestaen, want die Heere heeft my ontfanghen.

6[7]

Ic en sal niet vreesen die duysenden des volcs die my omringen, staet op Heere, ende behoudt mi mijn Godt.

[p. *444]

7[8]

Want ghy hebt gheslaghen allen die my teghen sijn sonder sake, die tanden der sondaren hebdi al in stucken ghebroken.

8[9]

Den Heere behoirt toe die salicheyt, ende op v volck is v benedictie.