Den gheheelen Bybel, Inhoudende het oude ende nieuwe Testament (Leuvense bijbel 1548)

Dat .xxiiij. Capittel.

1

⁺MAer die sonen van Aaron hadden dese deylinghen, Aarons sonen, Nadab, ende Abiu, ende Eleazar ende Ithamar.

+ A

2

Maer Nadab ende Abiu sijn voor haren vader ghestoruen sonder kinderen, ende het Priesterscap hebben bedient Eleazar, ende Ithamar.

3

Ende Dauid heeftse ghedeelt, dat es Sadoc van Eleazars sonen, ende Ahimelech van Ithamars sonen nae hen buerten ende dienst.

4

Ende daer sijn gheuonden veel meer sonen van Eleazar Princelijcke mannen dan Ithamars sonen. Ende hy heeft ghedeilt hen lieden (dat es den kinderen van Eleazar) Princen nae die familien sesthien ende den sonen van Ithamar by haren familien ende huysen achte.

5

Voorts soe heeft by beyde die familien onder malcanderen ghedeylt met loten, want sij waren princen der heylegher plaetsen, ende Gods princen, soe wel van Eleazars sonen, als van Ithamars sonen.

6

Ende Semeias Nathanaels sone die scrijuer een leuijt heeftse bescreuen voor den coninc, ⁺ende die princen ende voor Sadoc den priester ende Achimelech Abiathars sone, ende voor die princen der Priesterlijcker

+ B

[p. *325]

ende Leuitelijcker familien, een huys welc bouen dander was, voor Eleazar, ende een ander huys dat dander onder haer hadde voor Ithamar.

7

Ende dierste lot quam wt voor Ioiarib, het tweede Iedai,

8

tderde Harim, tvierde Seorim,

9

tvijfte Melchia tseste Maiman,

10

tseuenste Accos, het achtste Abia

11

tneghenste Iesua, thienste Sechenia,

12

het elfste Eliasib, twaelfste Iacim,

13

het derthienste Hoppha, het vierthienste Isbaab,

14

⁺tvijfthienste Belga, tsesthienste Emmer,

+ C

15

tseuenthienste Hezir, het achthienste Aphses,

16

tneghenthienste Phetheia, twintichste Hezerchiel,

17

het eenentwintichste Iachim, het tweentwintichste Gamul,

18

het dryentwintichste Dalaiau, het vierentwintichste Maaziau.

19

Dit waren hen buerten nae haer diensten, dat sij in des Heeren huys gaen souden, ende nae hen behoorten onder die hant van Aaaron, haers vaders, ghelijck die Heere die God van Israel beuolen hadde.

20

Maer der kinderen van Leui die noch ouerbleuen waren, van Amrams sonen was Subael, ende van Subaels sonen Iehedeia,

21

Ende van Rogobias sonen was die prince Iesias,

22

maer Isaari was Salemoths sone, ende Salemoths sone Iahath,

23

⁺ende sijn sone Ieriahu dierste, Amarias die tweede Iaziel die derde, Iecmaam die vierde,

+ D

24

Oziels sone Micha, die sone van Micha Samir,

25

die broeder van Micha Iesia, ende Iesias sone Zacharias,

26

Die sonen van Merari, Moholi ende Musi. Die sone Oziau Benno,

27

ende die sone van Merari Oziau, ende Soam ende Sacchur, ende Hebri.

28

Maer die sone van Moholi Eleazar die gheen kinderen en hadde,

29

Maer Cis sonen Ierameel,

30

die sonen van Musi Moholi Eder, ende Ierimoth, dit sijn die sonen van Leui nae die huysen van haren familien.

31

Ende sij hebben oock loten gheworpen teghen hen broeders Aarons sonen, voor Dauid den coninck, ende Sadoc ende Ahimelech, ende voor die princen van die priesterlijcke ende leuitelijcke familien soe wel die meeste als die minste, het lot deyldese alle ghelijckelijck.