De Geomantie in het Middelnederlands

Uitgave van deze voorspeltechniek uit het Münchense handschrift (15de E)

[p. 140]

[De rechter Amissio]

(fol. 51v) Amissio 11	j Tgeual der meninge gemeenlic.	ij Van der Coninghe.
	Dit is teken der vrage om dinc dat vter hant is van verren wegen, ende van scade van dierbair clederen ende van wtgehauwen dinge.	Hoede hem wel vanden coninge, want blijft hi hem by hi wert byscaet.
	Dit is teken eens die nv een dinc soect ende dair om gemoeit geweest heeft hi mocht gehadt hebben ende hi ne heefter niet af, ende van verre wegen, ende des uerlies.	Biden coninc bliuen en is geen orbair nier hi salre scade af hebben.
	Dit is teken der beroerten des regens, ende is goet te brulochten, ende van eenen die soect van dingen wt sijnre hant gaende ende wat einde daer af comt.	Beter ist den coninc niet bij gebleuen want blijft hir by hi sal in scade ende in verlies vallen.
	Dit is teken eens die soect te vercrigen bate van verren vanden gelde dat wt sijnre hant gaet, ende is der bequame toe.	Dese en sal mitten coninc niet vergaderen noch te hem comen.
	Dits teken der beroerten off eens die enen edelen mensche soect, ende den coninc bi te bliuene ende te vercrigen goet mit woirden.	Hy sal vanden coninc bate vercrigen ende dat bij beroerten off wtreysen.
	Dit is teken des geens die begert enen heesch vanden coninge, ende dies die emmer toe bescaet is ende hoept bate vanden coninge.	Sijn gemeenscip sal gedueren mit den coninc, ende sijn arbeit wert gemenicht.
	Dits teken dies de vraecht om enen heesch vanden coninc, ende dies die emmer toe scade geleden heeft, ende hoept bate vanden coninge.	Blijft hi biden coninc hi wert mede gemoeyt, der om so is hem tlaten best.
	Dits teken der wiuen ende des hyems ende den geuangens die tuerlossen hoopt, ende betekent besmette, off bekende wiuen.	Hem is best dat hij den coninc niet by en si, mer verre van hem.

[p. 141]

(fol. 52r) iij Van dien die recht begert.	iiij Vanden rychede.	v Van dien de enich dinc soect.
Hem sullen toecomen moeinessen vanden gerechte, ende hem wert gesworen, ende geene bate dair af hebben.	Hy en sal geen rijchecheden hebben, ende tmeeste deel der tijt sal hi roekeloes wesen int vercrigen goet.	Elc sal vanden andren sceeden sonder wijch.
Dese sal mit sijne voirsprekere in vele woirden vallen ende vele scelden sonder bate.	Dese sal lettel gelts vercrigen, ende ten sal hem in de hant niet lange dueren.	Sy sullen onderlinge letteren ende brieuen seynden sonder twist ende moeyenisse.
Hy ne sal te rechte niet mogen comen, ende sijn recht wert hem ontslegen.	Luttel rijcheden sal hi hebben, ende luttel vercrigen wt beroerten wegen ende arbeyt.	Den heesch van beeden wert ontslegen, ende ten wert geen wych onderlinge.
Dese sal sweeren ende te sinen rechte comen.	Hy sal gelt vercrigen ende dair na salt geuallen dat hijs guyt wert haestelic.	Elc wert gehauden van vechtene.
Hy sal int vonnisse sijn recht behouden, nochtan sal hij sweren mit valscheden.	Hy sal bate ende goet vercrigen wt des conincs diensten ende mit maniere van sprekene.	Die eerst te vechten sal beginnen van beeden, wert verwonnen.
Hem sal vele sceldens ende gescil int vonnesse toecomen, ende der na sal hi een deel van sijnen rechte vercrigen.	Hy sal goet vercrigen mit arbeide anxt ende mit nernstichede.	Diet begint van hem beden, die salt verwinnen.
Hy sal sijn recht behouden na dat sijns aduersaris gelt ende catelen gecocht sal hebben.	Hy sal goet vercrigen bi den toedoene des conincs te maten.	De meninge van vechtene van bede desen heeren wert aff geset.
Sy sullen onderlinge wonden hebben, ende dair na sal hair sake comen ter eendracht.	Hy sal goet vercrigen van enen anderen in gemaecte erffnesse.	Hair sake wert verlangt ende sij werden gepaist.

[p. 142]

(fol. 52v)	vj Vanden huweleke.	vij Vander dracht.
	Dit wert een bequame huelic ende twijff sal ouer eendrachtich sijn ende nernst ende der om sal sij vercrigen goete.	Dese wert ontslegen ende bedwongen in hare dracht ende der na sal sij baren enen zone.
	Dit wert een bequamelic huelic na dat onderlinge qualic gestaen sal hebben ende gescolden hebben, ende dair na sullen sij eens werden.	Dit is teken des roepens ende si sal in anxte wesen, ende sal baren enen sone.
	Dit huelic is bequame ende gehelicht ende een ygelijc sal hem verbliden van sijnen geselle, ende dair is twiuel an.	Dese sal anxt dogen in hair dracht ende sal een dochter baren.
	Dit huelic is bequamelic, ende hi sall vanden wiue bate ende goet hebben ende dat snel.	Wert dese dracht voldragen so sal si baren enen sone, ende dair na is te duchten voir hair.
	Dit is een goet teken den genen die huelic eescht, ende de man sal bouen den wiue wesen, ende hij sal sijn begerte hair vercrigen.	Dese sal wesen of se op enen banc sate, ende sal baren enen sone.
	Den heescher des huelics sal gescille vallen, ende dat hij heescht en wert hem niet ende wert hem verre.	Hier wert opgelet, ende wert de dracht voldragen so sal sij enen zone baren geluckich ende gehelicht.
	De man die dit huelic heescht heeft menichweruen twijf gehadt ende hij heefsse lief.	Eest dat si voldracht so sal si baren eenen dochter, ende lijden anxt ende vreese.
	Hi sal dit huelic vercrigen ende auenture ende goet dair toe, ende twijf wert oneersamelic.	Dese dracht wert niet voldragen, mer wertse voldragen si sal baren een dochter dair voir te duchten is.

[p. 143]

(fol. 53r) viij Vanden ziecken.	viiij Vander belegenre stat.	x Off si kint hebben sal.
Dit sal een stercke siecte werden, ende te duchten is dat hem comen sullen butsen.	Dese stat wert gewonnen by valschede, ende verradenisse ende sal scade lijden.	Si sal kindren hebben dair niet goets af comen en sal mer quaet saller hair aff comen.
Te duchten is voir desen sieken een maent lanc, ende ouerlijt hi de maent hi wert verlost.	Deser stat sal quaet geschien ende twist.	Si sal kindren hebben ende salre om in anxte ende in hindre comen.
Dese siecte wert verlanct, mer niet en sal hem deren der na.	Dese stat is sonder vreese ende iegen hair is gesworen ende diet sweeren werden geuangen.	Dese sal sonder kindre wesen een tijt, ende der na dochteren hebben.
Somwile sal hi gesont werden ende somwile weder te bedde vallen, ende dair na duchtmen voir de doot.	Tbeleggen wert verlanct, dair na hoeptmen allene van toeuallen die hair iegen gaen mogen.	Dese sal vele kindren hebben ende meest zonen ende sal middelbair wesen mit hem lieden.
Te duchten is voir desen zieken, ende god weett.	Theere sal vander stat sceeden, ende sijne saken achter laten.	Si sal kindren ontfaen, ende eerst een dochter na clenen ontfanc.
Men hoept hem een goet ende, mer hi sal liden vele vresen ende anxten.	Dese stat is sterck ende hair viant cranc ende sal haest van hair trecken.	Dese sal kindren ontfaen, ende meest zonen die voirtgeset werden.
Men brenge hem dat dode cleet, want hi begrauen wert ende doot is iegewoirdich.	Tvolc vander stat sal de stat den viant leueren, ende hij ne salre niet in mogen dueren.	Sy sal kindren hebben ende meest dochteren ende sal hairs kinders kindren sien.
Dese sieke en wert niet verlost en si dat in de vrage een gebairt si.	De geuallen deser stat werden quaet, ende bi lichte de ouereendracht is iegenwordich.	Sy sal zonen ende dochteren hebben, ende al by enen wiue.

[p. 144]

(fol. 53v)	xj Vander diefte, ende vanden verloren dinge.	xij Vander reyse.
	Dese diefte noch tuerlies en wert nemmermeer vercregen van sijnen here.	Doet hij de reyse ter zee, so wertse goet, mer te lande wertse arbeydelic.
	In dese diefte sijn vele gesellen, ende en wert niet wedercregen noch tuerlies.	Dese sal vele landen gaen, ende goet vercrigen, ende alre meest ter zee.
	Dese diefte is vter hant der dieuen comen in eens anders handt, ende dair is emmer toe wat afgedaen, ende tuercrigen wert verlanct, ende also wert tuerlies.	Dit wert ene goede reyse geluckich, ende hij salre in vercrigen goet ende wasdome.
	Van deser dieften ende vanden verliese hoeptmen een wedercrigen om lanc ende na wanhope.	Hy sal op de reyse letten, ende dair na sal hijse doen.
	Dese diefte wert wedercregen van hairen meester, na dat hise om gemoit sal hebben, ende also tuerlies.	Dit is een goede reyse, ende geluckich ende hi sal dair lange bliuen.
	Dese diefte en wert niet vercregen ende also wert tuerlies verholen.	Hem sal een reyse vallen wt den gebode des conincs, ende hi sal goet vercrigen.
	Dese diefte wert vercregen ende de daet geuonden, ende de dieff is een wijf van lichten doene, off se wert by hair selfs handen geuonden, ende also tuerlies.	Hy sal gaen ende weder comen gesont ende starck.
	Dit heeft een wijf gestolen, ende is bi hair bedect, ende men hoept twedercrigen, om lanc, ende also tuerlies.	Hy sal gaen na dat hi lettel belet sal wesen van enen wiue.

[p. 145]

(fol. 54r) xiij Van dien die van ogen is.	xiiij Vanden geuangene.	xv Vanden regen.
Dese is in een verre stede ende dair na sal hi noch verder gaen.	Hy wert verandert van stede te stede, ende te duchten is voir sijne scade.	Dit jair salt lettel regens en(de) wints wesen, dair tuolc by bescaet wort.
Ten is als nu sijn meninge weder te comen, ende sijn weder comen wert verlangt.	Hem sal scade toecomen mer teynde wert goet.	Dit wert een jair van eertbeuingen, ende lettel regens.
Hy is gesont ende seker nochtan meent hi weder te comen dair na.	Nakende is sijn verlossen ende sal een rustelic auenture vercrigen.	Vele regens sal dit jair vallen, wtgenomen int lant dair men om vraget.
Sijn wedercomen wert wtgeset ende dair na sal hi wedercomen mit gracie ende bate.	Sijn verlossen wert lanc ende dair na wert hij verlost na scade.	De regen wert opgehouden een lettel dair na salt regenen.
Hyne en sal als nu niet wedercomen ende sal in sijne stede bliuen.	Dese wert verlost ter besten datmen mach, ende sijn wesen wert gebetert.	Dit jair wert lettel regens ende orbairlic, ende de vruchten der eerden sullen bloyen.
Dese en sal niet mogen wedercomen, ende wert verandert van der stede dair hi is.	Hy wert verlost bi den toedoen des conincs.	De regen sal traech werden in hare tijt dair na salt regenen tontijde.
Sijn wechwesen wert verlangt, ende hi sal verandren van dien lande tot enen verderen lande.	Dese wert verleyt van stede te stede, ende wert belet, dair na wert hij verblijt mitten verlossens.	Dit jair salt regenen te maten te uele noch te lettel.
Dese is belet van sijnen wedercomen, by den toedoene van enen wiue.	Hy wert verandert van carker te carker, ende der na verlost.	De regen wert dit jair opgehouden, ende tvolc werter by bescaedt.

[p. 146]

(fol. 54v)	xvj Vanden begrauen dinge.	xvij Vander comenscap.
	Hier en is niet begrauen.	Tlaten van desen mercerie is best, ende wil hi hem der toe geuen hi salt al verliesen.
	Hier en is niet begrauen.	Dese comenscip wert moeylic, ende arbeidelic, ende hi wert ges(t)elt mitten bittende.
	Inder gebuerte off bi desen stede is een stede der men op vermoet.	Hier en is geen wasdom an mer belet ende arbeit ende tlaten is best.
	Hier is wat begrauen datmen vercrigen mach.	Hy sal vercrigen hier in bate mit vele arbeit.
	Hier en is niet begrauen.	Int coopen van deser mercerye sal hi anxt hebben nochtan is dair bate an.
	Hier en is niet begrauen.	In dese comenscip en is geen orbair mer anxt der vrecker lieden.
	Men vermoet hier wat begrauens mer tandren tijden heefter gegrauen geweest, ende dair en is niet.	Dit wert een geluckege comenscip ende alremeest esser een pack in.
	Men vermoet hier wat begrauens ende dair en is niet, ende tlaten best.	De conditie off de maniere van desen vragere wert een tijt opgehouden ende der na sal hij wat baten vercrigen.

[p. 147]

(fol. 55r) xviij Vanden wtgaenden heere.	xix Vanden toegaenden heere.	xx Vanden tween heeren.
Dit heere en sal niet wt gaen, ende tletten best.	Sijn sake wert belet ende ten sal niet mogen toegaen.	Elc sal vanden andren sceeden sonder wijch.
Sijn sake wert opgehouden ende sijn raet verandert vanden wtgaen, ende sijne geuallen quaet.	Dit heere sal toegaen ende gaet het toe, het verlieset ende te duchten is voir scade ende twedercomen.	Sy sullen onderlinge letteren ende brieuen seynden sonder twist ende moeyenisse.
Eest dat dit heere sijnen wtgaen volcomt, sijn wedercomen wert lanc, ende ten salre geen bate af mogen hebben.	Desen toeganc wert niet voldaen, ende niyement werter gequetst van hem.	Den heesch van beeden wert ontslegen ende ten wert geen wijch onderlinge.
Sijn meninge is narer dan bliuene dan den wtganc.	Dit en sal niet toegaen ter stede dairt gemeent hadde.	Elc wert gehauden van vechtene.
Es sijnen wtgaen ter zee, so wert dit heere geluckich, ende te lande niet.	Dit en sal niet toegaen ende ist dattet toegaet het sal verlies hebben in sinen wech.	Die eerst te vechten sal beginnen van beeden wert verwonnen.
Dit heere sal wtgaen ende sijn geuallen werden sterc, ende de daden openbare.	De geuallen van desen heere werden goet ende gaet het toe het vercrijcht sijn begerte.	Diet begint van hem beden die salt verwinnen.
Doet dit heere sijnen wtgaen het sal bescaet weder comen.	Dit heere en sal ter stede diet begeert heeft niet mogen comen.	De meninge van vechtene van bede desen heeren wert aff geset.
Dit heere sal belet werden wt te gane, ende sal verandren.	Al eest dat dit heere toegaet het sal nochtan ghepaist werden mit sijnen aduersarijs.	Hair sake wert verlangt ende sij werden gepaist.

[p. 148]

(fol. 55v)	xxj Vanden verholen dinge.	xxij Van der Bedeuairt.
	Dit is quaet onreyn dinc bescreuen of wt ghehauwen sonder varewe ende licht.	Hy wert bescaet bij der bedeuairt, ende dair na wertse gedaen.
	Dit verholen is dinc bescreuen of wt gehauwen, of ment vouden mochte ende dair sijn smetten in ende gaten ende is licht.	De bedeuairt wert op geset ende dair na salse gedaen werden zeere eenpairlic.
	Dit is meest mijnen gebuerte, of subtijlheit, ende dair is in gescrifte gheplaent off meniger hande, ende de stede hoger dan andren steden.	Hy sal gaen om de bedeuart te doene ende hi sal wedercomen ende sij en wert niet gedaen.
	Dit is mine hart ende ront, ende wtgehauwen ende is een dinc datmen mint.	Dese bedeuairt wert belet dit iair ende sij en wert niet gedaen.
	Tmeeste dat hier in is dats een cleet bescreuen.	Dese bedeuairt en wert vanden iair gedaen ende hi werter aff belet.
	In dit verholen is dinc blenckende ende vele, ende is een dinc dat onder hamers geleyt heeft geweest hebbende picture.	Dese bedeuairt en sal niet mogen gedaen werden ende tes hem onmogelic.
	Dit is een hol dinc off ront, groen ende is van planten der eerden hebbende keerele off saet.	Dese bedeuart en wert van desen jair gedaen, ende het wair hem onmogelijc.
	Dit verholen dinc is van wiueliker namen ende is een dinc hebbende keerele off saet.	Hy sal bestaen de bedeuart te doene ende hi sal wederkeren ende niet voldoen.

[p. 149]

(fol. 56r) xxiij Vanden vechtere.	xxiiij Vanden coep der leeftochten.	xxv Vanden geualle des jairs.
Hy na sal vanden jaire vechten.	Wie lefftochten heefft salse benauwen, ende de coop wert dier, ende der na ontslegen.	Dit wert een jare van vele scaden int vercrigen, ende twist onder tuolck.
Eest dat hij ouereen draecht te vechtene, so is te duchten voir hem.	De coop blijft staende ende dair na sal hi dieren, ende dair na ondieren.	In dit jair wert tuolc zeere beroert, ende wert onder hem valscheit ende bedriegenisse.
Hy en sal dit jair niet vechten ende tlaten is hem best.	De cope sal meer ter bate staen dan ter diernesse.	In dit jair en sal onder tuolc tgoede tquade niet te bouen gaen, ende tuolc wert van vele sonderlicheden.
Hy ne sal dit jair niet vechten, ende seyt hij dat so seyt hi tiegen sijne meninge.	Int ierst sal de coop wat meerer off dierer werden, ende dairna ontslegen.	In dit jair sal onder tuolc beroerte comen, ende dair na salt comen ter duecht ende salicheit.
Eest dat hij ouereen draecht te vechtene, hi sal verwinnen ende te bouen gaen.	De coop wert int eerste gehoeght, ende der na ontslegen.	De geuallen van desen iair werden goet in vele saken ende inden staet des volcs.
Hy sal dit jair wille hebben te vechtene, ende dair na dair aff veranderen.	De coop blijft staende, dair na dierer ende wert ontslegen.	In dit jair werden beroerten ende wigen, nochtan een goet eynde.
Eest dat hi vecht dit jair te duchten is voir sijn doot.	De coop wert dit jair diere, dair na sal hij ondieren.	Dit wert een goet jair, ende vele dingen sullen hem roeren in dit jair.
Hy ne sal niet vechten, ende est dat hi vecht te duchten is dat hij geuangen wert.	De coop blijft dair hi is, ende dair na wert hij ontslegen.	De geuallen van desen iair werden goet ende der vrouwen dracht wert gemenicht, ende der merien.

[p. 150]

(fol. 56v) 12	j Tgeual vander meninge gemeenlic.	ij Vanden coninge.
	Dits teken des wiltbraets der blijscap der goeder maren, ende des goets, wair wt men vercrigen mach datten moet uerblijt.	Hy sal den coninc by wesen na zeere lange tijt.
	Dits teken der geenre die soeken een diere, de maniere der mogender, ende saller af gracie gecrigen, ende sal blide wesen of die hueleken soect off dienstwiuen.	Hy ne sal den coninc niet by wesen mogen, ende van hem wesen is hem best.
	Dits teken des verlies ende der scade ende eens scalcs mans soeckende een geluckich wijff, ende wat hem gebrect.	Hem sal vreese ende scade comen vanden coninge ende derna een louelic eynde ende een goet eynde.
	Dits teken des geens die soect enich dinc mit bedriege ende valschede, of wt quaden moede, ende verbijt al dat ongaue, besmet onreyne af te broken is.	Dit wert opgehouden, ende dair na sal hi bet mit den coninge wesen.
	Dits teken de(s) scriuers, dienende ende eens edels mans, ende betekent eene vrage, van enen vonnesse reyse of scade.	Hem werden ouerdragen goede maren vanden coninge, ende sal van hem vercrigen bate ende gratie.
	Dit is teken een wairseggende mans belouende sekere belooftocht, ende sal hi sijn begeerte crigen in dien mer lanc est verbeyden.	Hy sal vanden coninge vercrigen brieuen, ende sal gracie van hem hebben ende vrihede.
	Dits teken der wolken der donckerheden der swarten vogelen ende vertoocht hem den bedructen of den geuangen ende dien de scade lijdt.	Hy sal den coninc ontsien mer der na sal hi van hem hebben sijne begerte.
	Dits teken eens ontsiende of in gepense wesende, ende vreesende de woorden die wt sijnen monde gepenest sijn ende der aff teinde weten willende.	Hy sal vele vresen ende twiuels vanden coninge hebben, ende van hem te wesen is hem beter dan dbi wesen.

[p. 151]

(fol. 57r) iij Van dien die recht begert.	iiij Vander rijchede.	v Van dien die enich dinc soect.
De heescher sal sijn recht behouden iegen sinen aduersarijs na dat hi gesworen sal hebben.	Hy sal vercrigen goet ende haue mitter soeticheit der tongen ende dat te maten.	Hy ne mach dit dinc niet vercrigen.
Hy sal gemoeit werden int gerechte, ende sal sweren, ende sal een deel hebben sijns rechts dair na.	Hy sal goet vercrigen mit beroerten, ende veranderinge ende dat hi vercregen sal hebben, sal hi verliesen.	Niet en sal hi hebben van desen ende tlaten beter dan tsoeken.
Dese sal sijn recht behouden in die vonnesse na dat hij gesworen heeft.	Hy sal goet vercrigen genoech, der na salt hem vter hant gaen sijns willen.	Dit wert hem veruult na den vermoedene, ende roekeloes sal hi wesen int heeschen ende int vercrigen.
Sijn sake wert wtgeset een tijt, ende sal sijn recht uercrigen by eede die hij doen sal.	Hy sal goet vercrigen by enen anderen ende sal hem onlange by bliuen, ende het sal hem ontgaen.	Tuercrigen van desen dinge wert een tijt opgeset, ende na dat hijs af gegaen sal wesen sal hijt vercrijgen.
Hy sal sijn recht behouden int vonnesse, ende sal eenen rechten eet doen.	Hy sal gelt vercrigen mit arbeyde, van hertogen ende van edelen lieden.	Hy sal dit vercrigen na lanc byden toedoen van anderen.
Sijn recht wert wtgeset.	Hy sal te maten goet vercrigen van allen wegen, ende wt vele saken.	Tgeual van desen wert ontslegen ende hi ne sal niet hebben.
Hy wert wtgeset ende sal tuonnesse hebben ende hem wert enen valschen eet gedaen.	Hy ne sal geen goet hebben, en si datter om arbeyt.	Dit wert snel sijns vercrigens nochtan salt hem haest vter hant gaen.
In dese clage sullen hem vele sceldende woerde toecomen ende hi sal een deel sijns rechts vercrigen na enen valschen eet.	Hy sal geen goet vercrigen wt wankelen dingen ende cranc mit scarpheden anxten sinne ende mit nernsticheden.	In dit sal hem wederstoet toecomen ende twist ende der na sal hire bate af crigen.

[p. 152]

(fol. 57v)	vj Vanden hueleke.	vij Vander dracht.
	Dits teken welc est dat hent hem vertoecht in de vrage des huelecs, so wert dat huelic geluckich so het meest mach ende betekent mynne onderlinge, ende de een blide vanden andren.	Dese is bi den barene, ende sal gesont wesen, ende baren een dochter.
	Dit betekent bliscap in de hueleken ende wtstel des versamens nochtan wter mynne wertet een huelic.	Eest dat dese dracht voldragen wert so sal sij baren een dochter, ende sij sal gesont wesen.
	Dit wert een bequame huelic nochtan wert toebringen besmet, ende dair sullen sonderlincheden sceldinge ende scaden in vallen.	Deser dragender vrouwen sal voir dbaren bloet aflopen, ende is dat niet so sal si baren een dochter.
	Dit wert een huelic bequame ende volcomen ende lange sullen sij tsamen wesen mit gesonde.	Wert dese dracht voldragen, so sal si baren enen zone, ende sal een swaer baren lijden.
	Dit wert een bequame huelic ouer een dragende, ende een edel suuer ende reyn wijff, nochtan wertet om lanc.	Eest dat sij voldraecht, si sal eenen zone baren, eersaem geluckich ende gehelicht.
	Dits teken eens gescreuens brieffs wanneert hem vertoecht enen huelic zoeken betekent vercrigen ende wert bequame.	Dits teken der melc vloeyende wten lichame, ende betekent eene sekerheit der dracht.
	Dit wert een goet huelic ende licht, ende betekent een versamen voir trouwen in bekennenne.	Dese sal niet voldragen ende te duchten is voir een ontidige geboirte, sonder volcomen.
	Dit wert licht toegebrocht mer teinde quaet, ende een sceldende ende een onwettelic wijff.	Dese sal vele vresen lijden, ende baren eenen zone.

[p. 153]

(fol. 58r) viij Vanden zieken.	ix Vander belegenre stat.	x Off si kint hebben sal.
Van desen zieken en es gheen hope der gesonden.	Dese stat wert gewonnen ende tsweert saller in werken eene clene tijt.	Hair wert geboetscapt de meenichte der kindren, ende salre zeere in verblijden.
Dese siecte wert verlangt, ende men is in wanhope, nochtan wert sijn einde verlost ende gesont.	Dese stat sal hair openbaren hairs willen haren volke nochtan ende wert hair niet gehulpen.	Sy sal ontfangen kindren van vele wiuen ende vele sailer van hem vlien.
Men sal niet duchten voir desen, sieken, want si coempt hem van colera, ende wt vele wints.	Te duchten is voir dese stat, ende voir den quaden raet hairs volcs sonder yet iegengaens.	Sy sal kinderen hebben, ende enige van hem sullen gebreck hebben na dat sij ster(c) geweest hebben.
Teinde van deser siecte wert goet ende teuel sal vergaen ende tmeeste deel der vreese.	In dese stat sal beroerte vallen, ende teynde goet, ende si en sal niet ontsien.	Sy sal ionge kindren hebben die lang wel leuen sullen.
Dese siecte wert verlanct, ende sal veranderen van siecte te siecten.	Tvolc van deser stat is seker noch hem en sal geen scade gescien van sijnen viant.	Sy sal kindren hebben beleeders ende eersame in dingen die den geloue aen gaen.
Dese siecte is vreselic van bynnen, ende nemmermere en hoeptmen op gesonde.	Onmogelicst dit teeken hebben de stat en ware los van anxte ende van bedruc.	Sy sal kindren zonen ende dochteren ontfaen wt eenen eersamen ende onwetteleke geslechte.
Dese sieke wert haest gesont want die siecte coem van oueruloeyde.	De viant de op dese stat is sal vlien, ende niet wedercomen ende de stat en sal niet ontsien.	Hem en sal niet een volboren kint worden mer vele tontide geboren.
Dese sal vele vresen lijden ende hi sal zere braken, ende dair na wert hi gesont.	Dese volc sullen toecomen anxten vresen, ende vallen als de stat gewonnen wert.	Hem sal toecomen vreese ende siecte in sijne kindren ende te duchten is voir de kindre die wise datse cleen sijn.

[p. 154]

(fol. 58v)	xj Vander diefte.	xij Vander reyse.
	Dese diefte en wert niet wedercregen noch geuonden ende betekent een verre wesen vander stede dairse genomen was ende also tuerlies.	Sijn wesen wert goet, ende gehelicht ende sal goet vercrigen nochtan sal hij letten in sijn reyse.
	Dese dief is mitter diefte wech gegaen ende men sal ouer hem niet vinden mogen noch tuerlies en wert niet wedercregen.	Dit wert een geluckige reyse ende hi salre in vercrigen goet ende vele baten.
	Dit is een teken der scade ende des uerlies ende al vertoecht hair de diefte, nochtan en wertse niet vercregen, van dien diese toehoert ende also tuerlies.	Geualt hem reyse, hi sal verlies hebben ende tletten is best.
	Tvinden van deser diefte wert wtgeset ende der na werter wat af gecregen mer tuerlies en wert niet wedercregen.	Hy ne sal die reyse niet mogen voldoen want hem sal belet toecomen.
	Dese diefte wert wedercregen, ende diese genomen heeft salse by hem houden bi vergetelhede ende tuerlies wert vercregen.	Dit is een helige reyse nochtan sal hire in arbeyden.
	Dese diefte is ofse waere ynt huys mit haren heere dair om salmense soeken, wantse behouden is ende tuerlies wert vercregen.	Hy sal in sijnre wech goet ende bate vercrigen, ende alre meest ter zee.
	Dese diefte wert wedercregen na datter wat af gedaen wert, ende is gehouden van hem diese nam, ende also tuerlies.	Hy ne sal de reyse niet voldoen mer hi sal weder keren, ende doet hijse hi werter by bescaet.
	Dit heeft een scalc man hemelsch of bruyn bleec of mit ene teekene int ansichte gestolen, ende heefter wat af gedaen, ende wert om lanc vercregen ende also tuerlies.	Syne moet wert in anxte, ende hi wert geureest in den wech ende sijn wedercomen traech.

[p. 155]

(fol. 59r) xiij Van dien die van ogen is.	xiiij Vanden geuangene.	xv Vanden regen.
Hi sal verandert werden van deser stede ter andre de verder is ende hij ne sal niet haest wedercomen.	Sijn vangenisse wert verlanget een iair ende dair na wert hij verlost.	Dit jair wert lettel regens ende wints ende vele clairheden des luchts.
Hy is in verre steden ende salre bliuen, ende sal om lanc wedercomen.	Syne bant wert ontbonden ende men hoept dat hi uerlost wert ende wten lande gaen.	Dit jair sal lettel regenen dair tuolc bi bescaet wert.
Hy sal onlange wech wesen ende velich wedercomen mer niet vele wederbrengen.	Hy sal lettel bescaet werden, ende geslegen ende sal bloet reese(?) ende verlost werden.	In dit jair salt te maten regenen.
Sijn wechwesen wert verlangt ende dair na sal hij wedercomen.	Sijn vangen wert verlangt ende der na wert hi verlost gesont ende sonder scade.	De regen wert opgehouden ende dair na salt regenen ende alre meest int lest vanden iaire.
Dese is in goeden wille in sijn stede ende hine begert niet weder te comene.	Syn vangenisse wert verlanct nochtan sal hi seker wesen.	Het sal regens vallen lettel ende orbairlic, ende der na sal bi gebreck des regens steruen tuolc.
Hy sal om lanc in goeden ende in sconen state wedercomen.	Dese wert gesont, ende velich verlost ter bester maten.	De regen wert opgehouden dair na sal vele tsere regenen.
Dese is als gelijc buten doren, dair om machmen hem wel sijn auentmael bereeden.	Hy wert verandert vanden carker, mit scade ende mit moeynisse.	Dit jair salt zeere vele regenen.
Van hem sal een bode comen eer hij wedercoemt, dair na sal hi selue comen.	Te duchten is voir desen geuangen.	De regen wert een lettel opgehouden int beginsel des iairs, ende der na ontslegen.

[p. 156]

(fol. 59v)	xvj Vanden begrauen dinge.	xvij Vander comenscap.
	In dese stede en is niet gesocht.	Hy ne sal der comenscap niet naken want si is scadelic.
	Hier en is niet begrauen.	In sijne hant en is gene wasdome mer scade ende bate.
	Hier is begrauen dat vercregen wert na arbeyt ende scade ende nernsticheit, ende is int oesten.	Hy sal hier om zeere arbeyden ende dairom soude hijt laten.
	Hier is dinc in begrauen ten westen wert ende wert een deele vercregen mit nernstichede ende arbeyt.	Eest dat hij dese comenscap vercrige so salse hem een tijt by bliuen, ende hi salre aen verliesen.
	Hier en is niet begrauen.	Hier en is geen wasdom in, mer schade.
	Hier sijn in steden van bedingen.	Hy sal hier in vercrigen luttel laten omlanc.
	Hier en is niet begrauen.	Dese comenscip wert zere scadelic ende by lichte hy sal sijn hoefstoel verliesen.
	Hier en salmen niet mogen genaken.	Hy sal hem der comenscap ontsien ende sal beswairt werden van sinen wiue ende tlaten best.

[p. 157]

(fol. 60r) xviij Vanden wtgaenden heere.	xix Vanden toegaenden heere.	xx Vanden tween heeren.
Eest dat dit heere wtgaet het wert verwonnen, ende dbliuen wair hem best.	Eest dat dit heere toegaet het wert verwonne(n) ende nyemende deren.	Tusschen dese twe heren wert twist ende wijch ende elc sal sterc wegen iegen tander.
Dit sal wt trecken ende sijn geuallen wert middelbair int goede ende int quade.	Dit en sal niet toegaen ende est dat toegaet het wert bescaedt.	Sy sullen niet versamen mer si werden verscheeden.
De geuallen van desen heere werden zere quaet, ende sal bloet stortten.	Tes te duchten gaet dit heere toe, dattet bescaet wert.	Meest salt geuallen dat si niet vergadert en werden noch tsamen lopen, noch geen quaet onderlinge geschien.
Dit heere sal niet wtgaen ende eest dat wtgaet het sal verliesen, ende wert gemoert.	Dit heere verbeit ende sal belet werden wt sijnre stede te trecken.	Teen sal hem houden vanden andren, ende twesterste wert de verwinre.
Dit en sal niet wt trecken ende sijn meninge wert verandert.	Dit sal sijnen toegaen volcomen, ter ander stede dairt begert.	Sy sullen onderlinge beloftocht doen, ende hair sake sal ten besten slane.
Twtgaen van desen heere wert vpgehouden, ende eest dattet wtgaet, ten wert hem goet noch quaet.	Dit en sal niet toegaen ter stede dairt meent nochtan sal vertrecken.	Tusschen dese twe werden boden ende brieuen gesent, welc een teken is der ouer eendracht.
Dit en sal niet wt mogen gaen, ende eest dat wtgaet het sal wederkeren gemoeit.	Dit sal angaen ende onder hem ende sijn viant wert eene eendracht gemaect.	De staet van desen twe heeren wert verlanct ende teen sal begeren versceeden te sijn vanden andren.
Eest dat dit here wttrect het sal comen in moeynissen ende in vresen.	Eest dat dit toegaet het sal comen in scaden in vreesen ende moeynissen mer teynde wert goet.	Tusschen beeden wert mynne ende hair wesen wert in valschede ende bedriegenisse.

[p. 158]

(fol. 60v)	xxj Vanden verholen dinge.	xxij Vander bedeuairt.
	Dit is dinc dat de moet des menscen mint hebbende goede roke.	Hy sal de bedeuairt doen ende te sijnre begeerten comen.
	Dit verholen dinc is van planten.	Hy sal wttrecken nochtan en sal hi de bedeuairt dit jair niet voldoen mer dair na.
	Dit is van planten diemen eten mach.	De bedeuairt en wert van desen jair voldaen, ende hi saller af veranderen.
	Dit is van planten die int vier gaen.	Hy ne sal der bedeuairt niet soeken ende andere bederue doen dan die.
	De wortel van dese verholen dinge is van planten dair witheit in is.	Es hi nernst op die bedeuairt hi salse doen nochtan sal hij lange wech bliuen.
	In dit is dinc wtgehauwen.	Hy sal tot eenre edelre stede comen sonder de bedeuairt.
	Dit is van enen diere misseliker varewen.	Dese bedeuairt en mach dit jair niet voldaen werden.
	Dit hoirt den diere ende den planten.	Hy sal tuoirt setten vander bedeuairt veranderen sijns willen.

[p. 159]

(fol. 61r) xxiij Vanden vechtere.	xxiiij Vanden coop der vruchten.	xxv Vanden geual des jairs.
Eest dat hi volcomt te vechtene hi wert gedoot bi den voirsiene van gode.	De coop wert ondiere, ende de dingen onuercopelic, ende geen dierte.	Dit wert een goet jair van vele vruchten, ende mynnen, ende vele sullen wt haren cloester lopen.
Hy sal wt trecken, ende en sal gemoeten noch viant noch strijt.	De coop blijft staende mer int leste wert hij ontslegen.	Dit wert een salich jair.
Hy ne sal dit iair niet vechten, ende eest dat hijs begeert hem sal schade ende anxte toecomen.	De coop blyft staende ende men ducht dier tijt int leste vanden jaire.	In dit jair werden beroerten ende vresen vele dier tijt ende luttel orbaren den volke.
Hy en sal ter stede des vechtens niet comen dit jair ende sijn raet wert verandert.	De coop sal bliuen also als hi is, mer te duchten is van dier tijt int leste vanden iair.	Dit jair werden beroerten ende vresen, nochtan saller in profijt ende orbair wesen.
Hy ne sal sinen wtganc te vechtene dit jair niet mogen volbrengen.	De coop blijft staende, ende die orbairlichede sullen vloeyen, ende wert goets vele.	Dit wert een jair voldrachtich ende seker ende tuolc inden besten staet.
Dits teken des wederkomens vander reyse nochtan dat sijne nature goet is, niet te vechtene, niet te stridene noch te dodene.	De coop wert dit iaire ondiere ende sal mogen dier werden.	Dit wert een iair van goeden geualle, ende de hertogen of grote heren werden gemenicht ende sullen voirtset hebben, staet ende goet geruchte.
Hy ne sal te stridene niet mogen comen, ende sijn voertsetten wert verandert.	De coep blijfft staende ende sal ondieren.	Dit wert een jair van vele goets, ende voldrachtich ende beroerten.
Begeert hi vechtens dit iair, hi valt in vreesen ende in anxte.		Dit wert eendrachtich iair nochtan suller vresen ende bederuenissen in vallen.