Een geestelijck liedt-boecxken

inhoudende nieuwe Liedekens, nu anderwerf ghedruckt, verbetert ende vermeerdert met eenige nieuwe Leysenen, nae ghelegentheyt der Hooghtijden

Een Geestelijck Liedt,

op de voys Schoonlief ghy zijt mijn troost alleyne.

ICk heb ghedocht, ick sal beginnen,
Inwendigh in mijn gront,
Om eens te sterven al mijn sinnen,
Daer van ick werd' ghewont,
Op dat ick t'aller stont
Mijn in Godt mocht verblyen,
Die mijn verlicht in al mijn stryen //Die

[fol. G3r]

 

Door hem alleen, so wort mijn ziel gesont.

 

 

 

Door sulcken sterven, leertmen leven,

 

Als men Gods wille goet,

 

Sijn wil gheheel over can gheven,

 

In alle teghenspoet,

 

(Dat ons wel dick ontmoet:)

 

En swijghen sonder claghen,

 

Want dit sal God so wel behagen, Want

 

Nu ons gemoet, in hem verheugen doet.

 

 

 

Door sulcken swygen leert men spreken

 

Alsmen met diep aendacht,

 

Wel let op sijn eyghen ghebreken

 

Wt aller zielen cracht,

 

So sal Gods inspraeck sacht,

 

Subijt werden vernomen

 

Die dan met vreed int hert sal comen,die

 

Waer door dat alle sijn lijden versacht.

 

 

 

Doort quaets vergeten leert men weten

 

Die 'tquaet met kennis laet

 

Sal Godt verburghen en secrete

 

Binnen comen te baet,

 

Wanneer hy wort versmaet,

 

So sal hem Godt hier laven,

 

Met sijn veelvoudighe goe gaven

 

Dat niemant en gevoelt dan diet versaet.

 

 

 

Princen, wie dit tot allen daghen

 

Mee deelachtigh wil zijn,

 

Die sal ghelijckmoedigh verdraghen

 

Na waerheyt, niet na schijn

 

(Al ist natuer een pijn)

 

'tMoet sijn beweghen sterven,

[fol. G3v]

 

sal de ziel vreed en vreugt verwerven, Sal

 

In den H. Gheest een blijtschap sijn.