Een geestelijck liedt-boecxken


Een Gheestelijck Pincxter-Liedt, Van de Engelsche groet. Alst begint. DAt reeder een Ridder uyt jaghen, Wt jachen, als opten Pincxterdagh, En socht een Maeght nae sijn behaghen, Dat ons hier al wel verblijden mach. In dien tijdt heeft Godt ghesonden Ga naar margenoot+Ghesonden, tot eenen Maghet cleyn, Gabriel den Enghel tselfder stonden, Om haer te groeten suyver en reyn. Hy seyden Godt groets u uytvercoren Vercooren Maghet ghebenedijdt, Ghy sult ontfanghen (wilt aenhooren) Een Soon, die Hemel en Aerdt verblijt. Die Maghet begon te schromen Te schromen, en dacht in haer ghemoedt Van waer die graty mocht comen, Hoedanigh wesen mocht dese groet. D'Enghel seyde en wilt niet vreesen Niet vreesen, ghy sult alsoo bequaem
[Folio F1r]
Ontfangen, den alderhooghsten gepresen Gods Soon, Iesus sal wesen sijn naem. Die Maghet bestonde te vraghen Te vraghen, hoe 'tsoud mogen gheschien Want sy geen Man in haren daghen Begeerden, of en mocht zijn ghemien. Den Engel gingh haer claer vertonen, Vertonen met een verlicht bescheydt, Den Heylighen Gheest sal in u comen, De cracht van d'hooghe drievuldigheyt. Die Maghet gingh haer verneeren Verneren, besloot dit vast accoordt, Nu siet de Dienstmaeght des Heeren, My moet gheschieden nae uwen woordt. Die Princes moet zijn hooch verheven Verheven, want sy 'tHelsche Serpent Vertrat, en bracht ons 't eeuwigh leven, Die ons sijn Heylighen Geest hier sendt.	margenoot+ Luc.1.26