Een geestelijck liedt-boecxken

inhoudende nieuwe Liedekens, nu anderwerf ghedruckt, verbetert ende vermeerdert met eenige nieuwe Leysenen, nae ghelegentheyt der Hooghtijden

Een Geestelijck Liedt,

op de voys Ick ben verdrooght,
Oft, bedroefde herteken.

ALs ick de liefste eens mach spreken ⁺
So is mijn hert met vreught bevaen,
En ick hier vry ben, van ghebreken
Ontsteeckt der minne vuyr also saen.

De liefde moet ons leyts-man wesen ⁺

Tot den Vader door de Soon bereyt,
Die hier nu leeft in liefd' ghepresen,
Doort minnen wort hy ingheleyt.

In de over-hooghe triniteyt,

Een oorsprongh sonder alle begin, ⁺
Een clare simpele eenigheyt, ⁺
Daar alle dinghen swemmen in.

O eenigh een, ghy staet so bloot ⁺

Van alle namen ombevaen,
Waer mijn ziel doot in uwen schoot

+ Cant.5.3

+ Ioan.14.6

+ Ioan.1.1.

+ Eze.47.5

+ Apoc.1.8

[fol. C2v]

 

Soo waer mijn treuren al ghedaen.

 

 

 

⁺O eeuwigh ongheschapen goet

 

Geeft my beken in dijn aenschijn,

 

Wat ghy de liefste vrienden doet,

 

Die in u hooghste minne zijn.

 

 

 

⁺Ghy zijt dat rijck de ziele mijn,

 

Gheen hert en cant ghenoech verstaen,

 

Weest mijn onthout, geeft my de wijn

 

Der minnen, daer ghy haer in doet baen.

 

 

 

⁺De Enghelen in de glory schoon,

 

Sy bernen in der minnen gloet,

 

Eph.1.23 Want sy aenschouwen u in den throon,

 

In volle liefde suyver en soet.

 

 

 

⁺Sy zijn in vaste sekerheyt,

 

Aen uwe hooghste minne goet,

 

En daer en is gheen anderheyt,

 

Men pleecht daer 'tlof in minne vroet.

 

 

 

⁺De Seraphinnen zijn soo verclaert,

 

doort hooge minnen ws aenschijns claer

 

Och waer in my dat licht ghebaert,

 

En mede u ghenoten daer.

 

 

 

Prince ghy zijt diet murch verteert,

 

⁺ Ghy zijt der ziele Medecijn,

 

Ghy zijt al dat mijn ziel begeert,

 

Och mochtse daer met vereenight zijn.

+ Apoc.7.9

+ Mat.6.10

+ Psalm.102.20.

+ Apo.7.1.

+ Esaie 6.

+ Apo.21.9