Geestelijcke harmonie

van veelderley ende uytghelesene soo oude als nieuwe Catholijcke Kerckelijcke Lofsanghen, Leysenen ende Liedekens, op die principaelste Feesten en getijden des Iaers, die men in’t Vorstendom Cleve by den Catechismus singht

LXXXVII.

Maria zaert, van edler aert,
Ghy sijt een Maeght der eeren,
Int Hemelrijck, is niet ws glijck,
Naest Godt den hoochsten Heeren,
O Roose root, o dueghde groot,
In Hemel en op eerden,
Ws glijck mach nimmer werden,
Der Sonnen glants, omgeeft u gants,
Door uwe daet, verwerft my gnaed,
Oprechtigh u te eeren,
Mijn leven lanck, met goet gesanck,
V lof moet altijt weeren.

Maria fijn, met klaren schijn,

Locht ghy in hoochsten throone,
Daer u met eeren, van twaelf sternen
Wort op geset een croone,
Ghy sijt heel net, en gants perfect,
Met gnaden schoon omgeven,
Verwerft my een goedt leven,
Van deughden schoon, by Godt dijn Soon,
O Ionckfrouw soet, gelpt dat ick boet,
Mijn sond voor mijnen ende,
Als my ter brickt, mijn hert en gesicht,
Biedt mijner siel dijn hende.

[p. 123]

 

Maria Ionckfrouw, helpt dat ick ste

 

V kindt aen mijnen ende,

 

Schicht mijner siel, Sant Michiel,

 

Dat hy die voer behende,

 

Int Hemelrijck, daer alle glijck,

 

Die Engel vrolijck singen,

 

Haer stem doet hel erklingen,

 

Heyligh, heyligh, sijt ghy heyligh

 

O stercke Godt, Heer Sabaoth,

 

Regiert gewaldichlijcken,

 

Daer is een endt van al ellendt,

 

Daer vreuchtmen eewiglijcken.

 

Maria klaer, sonder sond voorwaer,

 

In u sijn geen gebreken,

 

Het leeft geen man, die mach oft kan,

 

V glory groot wt spreken,

 

Met grooter eer, prijstmen u seer,

 

In Hemel en op eerden,

 

Ws glijck magh nummer werden,

 

O Ionckfrouw schoon, wilt by u Soon,

 

Wt liefde groot, mijns sonders snoot,

 

Gedencken doch ten besten,

 

Als my die doodt, met grooter noot,

 

Bestrijden sal int lesten.