Geestelijcke harmonie

van veelderley ende uytghelesene soo oude als nieuwe Catholijcke Kerckelijcke Lofsanghen, Leysenen ende Liedekens, op die principaelste Feesten en getijden des Iaers, die men in’t Vorstendom Cleve by den Catechismus singht

[p. 78]

LV.

Het stont een Moeder reyne,
Neffens dat Cruycen hout,
Seer druckelijck en weynen,
In liefde niet verkout,Met pijne mennigfout,
Sach sy haer Soon eerbaer,
Hangen als puer reyn gout,
Int vier des lijdens swaer.      Met pijne, &c.

Wiens metlijdent herte,

T’sweert druckelijck doorsneet,
Och hoe was dan in smerte,
Bedruckt, benaut, besweet,
Godtsd Moeder, als groot leet,
Haer Soon gebenedijt,
Wiert aengedaen seer wreet,
Voor haer noyt droever tijt.      Gods Moeder, &c.

Wie sal daer mogen wesen,

Die niet bedroeft soud sijn,
Dat hy sage by desen,
Christi Moeder divijn,
In sulck’ een swaere pijn?
Wie soud metlijden niet,
Die sach op elck termijn,
Haer lijden en verdriet?      In sulck’, &c.

Om de schult en misdaden,

Van al sijn volck seer groot,
Sach hy met druck beladen,
Van hoofde tot den voet,
Iesum doorwont, bebloet,
Sy sach in druck het meest,
Sterven haer Soone soet,
Als hy gaf sijnen Geest.      Iesum doorwont, &c.

[p. 79]

 

O Fonteyne der liefde,

 

Moeder getrouwe goet,

 

Dat ick als de geriefde,

 

Mach in des hertzens gront,

 

Smaecken de kracht terstont,

 

Van sijn groot lijden nu,

 

Dat ick also doorwont,Mach weenen hier met u.      Smaecken de kragt, &c.

 

Doet doch mijn herte branden,

 

Tot Godt nacht ende dach,

 

Bindt met der liefden banden,

 

In t’hert al sijn verdrach,

 

Dat ick behagen mach,

 

Hem, soo doorwont voor my,

 

Sijn pijne met beclach,

 

In my bedeelt docvh ghy.      Wat ick, &c.

 

Beweeght mijn herte binnen,

 

Soo langh’ ick leve cranck,

 

Om met u te versinnen,

 

Des cruyce lijden franck,

 

T’is doch al mijn verlanck,

 

Met een droevigh vermaen,

 

Met u nemen den ganck,

 

Om neffens t’çruys te staen.      T’is doch, &c.

 

Maegt der Maegden verheven,

 

Doet my hier Christus doodt,

 

Sijn Passie, bitter leven,

 

Draghen int herte bloot,

 

T’sy in vreuchd oft in noot,

 

Door een liefd onbevleckt,

 

Gedencken al d’aenstoot,

 

Van Godt en mensch perfeckt.      T’sy in, &c.

 

Maeckt my doch door u vierich,

 

Moeder en Maegt bekent,

[p. 80]

 

Bevrijt my vant dangierich

 

Vier, en d’eewich torment,

 

Door Christus cruyce wendt

 

Van my het sondich getruer,

 

Gunt in mijn leste endt,

 

Des blyschaps soeten guer.      Door Christus, &c.