Geestelijcke harmonie


XXVIII. Ryck en Arm sullen frolich sijn Aen desen heyligen dagh, Ons ist geboren een kindeken Dat alle ding vermacht Daer toe es salich is, Sijn naem is Iesus Christ: Om onser aller misdaet Vanden hemel gecomen is. Om onser, &c. Van eener Ionckfrou rein en zart Haer naem Maria is Dan sulckes is gants openbaer Dat ons geboren is, Sonder allen smerts en pijn Dat selfste kindeken Vanden hemel af ontfangen waer Den heyligen geest een schijn. Van, &c. O mensch gedenckt hoe Iesus Christ Gheheel sonder alle stuir.
[pagina 36]
Tot Betlehem geboren ist In eener ouder schuer Wert in een krib gelacht Soo ons die Schriftuer sacht Die doch die hoochste woning waer In der werelt, wijt en weer. Die, &c. Orient waer niet soo wijt Of het word openbaer Den heyligen dry Koningen Waer Christ geboren waer Met Opffer kommens daer Des kindekens namen waer Sy brachten Golt, Wyroock, Myrthen Daer me die beste waer. Sy brachten, &c. Laet ons met rijcken schalle Den kindeken seggen prijs Dat ons van Adams valle Erlost met gantsen flyt Voor Duyvels macht en gewalt Verlost heeft Ionck en Alt Ons wederom erlanget heeft Dat eewig Vaderlant. Ons wederom, &c. Tot besluyt willen wy bidden Dat schoone kindeken Nu ende tot allen tijden Dat ons wil genadich zijn End ons bermhertelick Allen genadelick Verlenen wil na desen tijt Dat eewig hemelrijck. Verlenen, &c.