Geestelijcke harmonie


VIII. Liedekens ende Leysenen van Kersmisse. A folis ortus cardine. Van opganck der clear sonnen schijn, Al tot des werelts eyndt en termijn, So laet ons loven Christum schoon, Der reyner maegt Marie soon. Beatus author. Den salich schepper aller ding, Tooch aen een knechts lichaem gering, Het vleysch doort vleysch hy vryen wou Dat sijn schepsel niet vergaen sou. Castae patentis. Godes genaed van hemel groot, Sich in die reyne Moeder goot, Die Ionckfrou droeg een hemels pant Dat die natuer was onbekant. Domus pudici. Dat suyver huys des lichaems zart, Seer haest een tempel Godes wart, Die geenen man oyt hadt erkent Van Gods Woort men swanger vant. Enixa. Een Moeder heeft gebaret doe, Den Gabriel bootschapten vro, Den Iohannes int moeder slot, Heeft aengebeden als sijnen Godt. Faeno jacerc. Hy lach int hoy met armoet groot, Die harde krib hem niet verdroot, Hy wordt gelaeft met mellick daer, Die aller ding erneeret waer. Gaudet chorus.
[pagina 16]
Dat hemmels choor verblijt sich seer, Die Engelen singen Godes eer, Den Herderkens wort oock vermelt, Den Heer en schepper aller welt. Gloria. Loff, eer en danck sy u gesaegt Christus geboren van eener Maegt, Met den Vader en heylig Geest, Die wy hier loven al omt meest.