V. Een schoon gesangh vande bootschap van ons lieve Vrouwe.
Gegroet sijt gy een Koningin,
En aller werelt een troosterin,
O Maria hoe heylich sijt ghy geboren,
Godt heeft u selver wtverkoren,
Wt anderen Ionckfrouwen allen.
Maria gedacht in haren moet,
Och God wie is die Ionckfrow soo goet
Die gebaren sal den heylant fijn,
Wie geen woud ick haer dienarin sijn,
Als balt die Godlicke Majesteet,
Den heyligen Engel gesendet heeft,
Tot Nazareth in dat Galyleysch lant,
Hy quam tot haer door verslotene deur,
Hy groeten sy en sprack tot heur,
Ave, ghy sijt aller genaden vol,
Der Heer is met u, sijt gebenedijt wol,
Boven anderen vrouwen alle.
| |
Maria verschrack over sulcke woort,
Die sy van den Enghel hadt gehoort,
Sy gedacht by sich vnd heer,
Wat dit voor een groet en bootschap weer,
Die Gabriel haer brachte.
Den Engel sprack, Maria vreest u niet,
G’naed hebt ghy vonden mildighlick,
By God den Heere inden hoochsten throon,
Ghy sult gebaren eenen Soon,
Dat gelooft gy my voorware.
Maria die antwoorden sedelick,
Den heyligen Engelo seer deughdelick,
Den hoochsten Godt ist wel bekandt,
Dat min hert weet van geenen man,
Hoe sal dan dit geschien?
Den Engel sprack, Maria gelooft my nu,
Den heylich Geest sal kommen tot u,
V sal overschatten die Godlicke kraft,
En bewaren uwe reine Ionckfrow schaft,
Ghy sult gebaren den hoochsten Soon,
Godt sal hem geven Davids throon,
Dat hy regiere machtichlick,
Sijn herschaft wijt uyt breidet sich,
Sijn rijck en heeft geen ende.
Maria die antwoorden inniglick,
Den Engel Gods demoedichlick,
Eene Maegt ben ick des Heeren mijn,
Ick geeff my inden wille fijn,
My geschie nae uwen woorden,
Als baldt had Maria den Godes Soon,
Van den heyligen Geest ontfangen schoon,
Sy heeft hem gedragen kuysch ende reyn,
Ende als sy quam tot Bethlehem,
| |
Auteursrechtvrij