Dit boecxken leert hoemen mach voghelen vanghen

¶ Dat .xx. ca. leert een aes maken hoemen inden water doen sal dat alle visch ter hant comen sal

¶ Item neemt inden mey vanden eersten honich also veel als ghij wilt. ende neemt daer toe vanden roden slecken met den huysken oec so veel als ghi meynet dat ghijer behoeuen selt. ende doetse in een reyn scotelken. ende neemt daer toe armoniaec, oft sal commune

[fol. B1v]

dat doet daer in so smelten die slecken ende neemt dan nacht schijnenden wormkens daer toe een pont wanneer ghi een salue maken wilt soe neemt des honichs twee mael so vele als daer slecken sijn ende neemt een half pont wormen ende maeckt een salue daer wt ende roeret wel onder malcanderen ende bewaret die salue in een busken. Ende wanneer ghi visschen wilt soe strijket die salue aen v handen so sult ghi wonder sien.