Dit boecxken leert hoemen mach voghelen vanghen

¶ Dat eerste capittel leert hoemen voghelen eynden ende alderley vogelen vanghen sal

[fol. a2r]

¶ Item men sal nemen tormentil ende sieden die in goeden wijn. ende daer na siede coren oft gerste oec daer in ende werpt dat aes op die plaetse die totten voghelen bereyt is danso eten si dat koren met der wortelen ende werden daer of recht of si droncken waren so dat si niet vlieghen en moghen ende vallen neder op die aerde. Ende dit is inden winter beter ende bequamer wanneer datter groot snee leyt.