Biblia dat is, de gantsche Heylighe Schrift, grondelick ende trouvvelick verduydtschet, Met verklaringhe duysterer woorden, redenen ende spreucken [etc.] (Deux-Aes bijbel)

Den Cxxxj. Psalm.

1. Stellet zijn exempel voor, ende vermaent, dat wy inden woorde, niet in onsen krachten, wijsheyt oft menschelicker gherechticheyt, berusten.

A.1

Een liedt Dauids inden hooghen Choor. HEere, mijn herte en is niet hooueerdich, ^a ende myne ooghen zijn niet stout: ^b ende en wandele niet in grooten dinghen, die my te hooch zijn.

a Prouer. 6.b.17.

b Syrac. 3.c.22.

2

^c† Wanneer ick mijn ziele niet en settede ende stilde, so wert mijn ziele gespeent, als eener van syner moeder ghespeent wort.

c† An. So ick etc. stelde, als een kint, dat gespeent wort by syner moeder: mijn ziele is als een gespeent kint.

3

^d Israel hope op den Heere, van nu aen tot in eewicheyt.

d Psalm. 115.a.7.