Chiromantie

Dits tcapitel vanden linien die omtrent de vorseide linie staen

¶ Es dat sake dat dese linie es dore slaghen met vele bleker linien. dit .be. quade dispositie ende diverse rouwe Ende alse in hare staen putkene ofte omtrent hare. dit bediedt dat een mensche heeft harden

[p. 195]

lichame. ofte quade lanken Ende alsi roet es ter linie vanden levene wert. dit .b. hoeftzuere. Ende es dat si roet es ter middel linie wert ende si dan daer scarp es ende subtijl. dit bediet dat een mensche droeghe es ende licht Ende het bediedt cortsse die corteleke toecomende siin ¶ Ende als ene cleine markelike linie niet diep. ghelijc ofte het ware ene linxeme kleine. dore geet de vorseide linie in de middelt. dit bediet siecheit. Ende essi roet dat .b. dat si haestelike toe comen sal. Maer essi bleec ende altegaen gelijc den andren dit .b. dat si leden es. Ende also vele alsi min blict. so essi also vele meer leden. de siecheit. ende te langer