Chiromantie

Dits tcapitel vander scedingen vander hant.

¶ Na dat gheseit es ende versceeden siin die partien vander hant. So salmen segghen hoe dat wi sculdech siin vort te gane in onse sciencie of in onse const. Ende omme dat in de palme siin viere linien generalike ende naturliic. ende siin gheseit naturlijc omme dat si siin ghecoppelt met eneghen linien die principael siin. ende si siin naturlijc omme dese redene. Want also men neghene twee ansichten vint in tween lieden eens. Alsoe eist vanden linien voreseit. dat si niet eens en siin in diversen lieden. Ende daer omme sal men segghen. hoe dat in diversen handen de linien diveers siin. Maer men sal ierst seggen vanden principael linien. vanden welken dese vorseide ghecoppelde linien trecken gheboernisse. dats te segghene dat sire uute sputen. vort ane sal men segghen vanden andren tekenen vander hant. ende danne tende setten vander scientien