De C.L. psalmen des conincklijcken propheten Davids

[fol.  Ccxliij.r]

Een Christ'lijck Ghesang tot besluyt der Kinder-predicatie.

Op de voorgaende Voys.

WY bidden gheeft O lieve HEER'
Dat in ons' herten d'reyne leer'
Mach vastichlijck beklijven.
Al syn wy van natueren quaedt,
Nochtans laet ons door dijn Genaedt
Dijn kind'ren zijn end' blijven:
Gheeft ons gonst, end' Genade duyr,
Vervult ons' herten met het vuyr
Der Liefden end' Geloven,
Dat wy in dijne kennis goedt
Ons' leven sluyten met den doodt,
End' dy voorts eewich loven.