De C.L. psalmen des conincklijcken propheten Davids

Een Ghebedt-liedt teghen t'Pausdom, wt den Lxxix. Psalm.

Op de Voys: Waer Godt niet met ons deser Tijdt.

HEer JEsu Christ dijn Erf wy zijn
Dijn heylig' Kerck op Aerden,
Want wy volghen die Stemme dijn,
Om Salicheyt t'Aenvaerden,
Help ons nae dijn veel Eed'le Woort,
Dat wy ons moghen tsamen voort
In dy eewich verblijden.

2. Al roemt des Pauses Aenhanck veel,
Dijn rechte Volck te wesen,
Noch hebben sy aen dy gheen Deel,
Syn gaet by dy mispresen,
Dijn heylich Volck, die weerde Stadt,
Door Tyranny end Judas Raedt,
Sy peynsen te verpletten.

3. Dijn Woordes Dienaer Allegaer,
Willen sy grousaem slachten,
En dijnes Volckes Heylig' schaer,
Voor Raven spijse achten,

[fol.  Ccxl.v]

 

Verhoort HEEr dat Onschuldich bloet

 

Dat in den HEmel Roepen doet,

 

Die Honde gaent Opslicken.

 

 

 

4. Van Rasery ist Pausdom heet,

 

Ons grouw'lijck te versoopen,

 

End Bloedich in haer eyghen sweet,

 

Dijn Christenheyt te doopen,

 

Als Water sou daer vlieten bloet,

 

Daer door te Coelen Kains Moet,

 

Niemandt soud' ons begraven.

 

 

 

5. Een smaey wy ons Ghebueren zijn

 

Een spot end schamp den Vrienden,

 

HEEr laet doch ons niet dijnen grim

 

Gheheel end al bevinden,

 

Maer stort dijn grim op s'Pauses staet,

 

Die dijn Volck lang' vervolghet haedt,

 

End dijn Woort gaet Blameeren.

 

 

 

6. Help Jesu Christ, die saeck is dijn,

 

End dijnes heylighen Name,

 

Om dies wil (HEEre) nu verschijn,

 

Teghen des Vyandts Blame,

 

Dat Bloet der salighen Schape dijn,

 

Laet duyrend weerdich by dy zijn,

 

Den Cain wilt verbannen.

 

 

 

7. Maer wy die zijn dijn Volck bereyt

 

End Schapen dijner Weyde,

 

Dancken dy (HEER) in Eewicheyt,

 

Dat ghy met stercken Eede,

 

Ons Hulp end Troost hebt toegesacht,

[fol.  Ccxlj.r]

 

Daerom wy prijsen Dach end Nacht,

 

Dijn Wonder over Wonder.