De C.L. psalmen des conincklijcken propheten Davids

Een Gebedt voor de Christlijcke Kercke,

Op de Voys: Waer God niet met ons deser Tijdt.

ACh GOdt laet dy bevolen zijn,
Dijn Arm Christlijck ghemeyne,
Bewaertse nae den Wille dijn,
Door dijn Goetheyt alleyne,
Bewijs dijn Macht end Heerlickheyt,
Laet leuchten dijne Vriend'lijckheyt,
Ontfarmt dy onser alle.

2. Hoe wel wy veel ghesondicht haen,
Met Misdaet man'gerleye,
Nae dijnen Wille niet ghedaen,
Beyd' grooten ende Cleyne,
Nochtans is onse Toeversicht,
Dat ghy belooft met Eedes plicht,
De Sondaer sal niet sterven.

3. Maer als hy hem bekeeren gaet
Van syn Godloose wesen,
Bekent u syne Missedaet,
So mach hy noch ghenesen,

[fol.  Ccxxxviij.r]

 

Dees Toesaeg' Heere Godt alleyn,

 

Maeckt ons Gheloove Moedich zijn,

 

Om dy Vader t'aenroepen.

 

 

 

4. So help ons wt dit swaer Termijn,

 

Om dijnes Namens Eere,

 

Verlost all' die ghevanghen zijn,

 

Den Vyandt ons aff keere,

 

Beschud' die heele Christenheet,

 

Vertroostse (HEER) in all' Verdriet,

 

Bedwingh' die boos' Tyrannen.

 

 

 

5. Wilt ons oock Godt bewaren fijn,

 

Voor alle valsche Christen,

 

End laet ons dy bevolen zijn,

 

Voor s'Duyvels arghe Listen,

 

Help ons int recht Gheloove dijn,

 

Tot aen den Eynd' volstandich zijn,

 

End eyntlijck Salich sterven.