De C.L. psalmen des conincklijcken propheten Davids


Een Loff sanck van Christo.
Op de Voys: Als hier nae volcht. HEer Christ ghy Eenig' Godes Soon Vaders in Eewicheyt, Wt syn Herte ghesproten schoon, Als die Schriftuere seyt, Hy is die Morghensteerne, Syn claerheyt streckt sy veerne, Voor ander Steernen Claer.
[Folio Ccxxxij.r]
2. Voor ons een Mensch gheboren, Hier in der laetsten Tijdt, De Moeder niet verloren Haer Maechd'lijcke Cuysheyt, Den doot voor ons ghebroken, Den HEmel Opghesloten, En d' Leven weder brocht. 3. Laet ons in dijner Lieve, End Kennis nemen toe, Int recht Gheloove blijven, Dienen in Gheeste so, Dat wy hier moghen smaecken Dijn soeticheyt nae haecken, End Dorsten steedts nae dy. 4. Ghy Schepper aller Dinghe, Ghy Vaderlijcke Cracht, Regiert van Aenbeginne, Crachtich wt eyg'ner Macht, Dat Hert ons tot dy winne, End keert aff onse sinne, Dat sy niet Dwalen van dy. 5. Dood' ons door dijne Goede, Verweck ons door dijn Gnaed', Den Ouden Menschen krencke Dat die Nieuwe leven mach, Al hier op deser Aerden, Den sinn' end alle begeerden, End Ghedancken staen tot dy.