De C.L. psalmen des conincklijcken propheten Davids

Een ander Loff-sanck.

Op de Voys: Nu vreucht u lieve Christen ghemeyn.

GHeloovich Hert Ghebenedy,
End Loffsingh' dijnen HEEren,
Ghedenck dat hy dijn Vader zy
Dien ghy staedich sult Eeren,
Want ghy gheen uyre sonder hem,
Met all' dijn Sorg' end all' dijn sinn',
Dijn Leven condt gheneeren.

2. Van Herten hy dy Lieven gaet,
Veel Goetheyts dy bethoonet,

[fol.  Ccxxvj.v]

 

Vergheeft Daeg'lijcx dijn Missedaet,

 

End dijn swackheyt verschoonet,

 

Syn Gheest vernieuwet dijn gemoet

 

End Wapent dy van Hooft te Voet,

 

Den Vyant te vercleynen.

 

 

 

3. Barmherticheyt end alle Goet,

 

Bewijst hy ons Elenden,

 

Die haer van s'Werelts Overmoet,

 

Tot syne Waerheyt weynden,

 

Hy neemt ons als een Vader op,

 

End helpt dat wy den rechten Loop,

 

Ter Salicheyt voleynden.

 

 

 

4. Nae onse Ongherechticheyt,

 

Heeft hy ons niet vergouden,

 

Maer bruyckt aen ons syn Ghoedicheyt

 

Als wy verderven souden,

 

Met syn Ghenaed' altoos planteyt,

 

Is hy den genen al bereyt,

 

Die Hertlijcx hem Aensoecken.

 

 

 

5. HEEr dijn wel Aengevangen Werck

 

Wilt Saelichlijck voleynden,

 

Maeckt ons Gelooff end Wandel sterck,

 

End wilt van ons Affweynden,

 

All' valsche Leer end Argernis,

 

Behouden ons tot dijnen Prijs,

 

Saelich end Eewich Amen.