De C.L. psalmen des conincklijcken propheten Davids

[fol.  CCvj.v]

Een Ander Compositie.

Ende gaet oock op dese voorighe Voys

MEnsch wilt ghy Leven Salichlijck,
End by Godt blijven Eewichlijck,
So sult ghy houden Thien Ghebodt,
Die ons ghebiedet onse GOdt,
Kirieleyson.

2. Dijn Godt alleyn end HEEr ick sy,
Gheen ander God sal arg'ren dy,
Trouwen sal my dat Herte dijn,
Mijn eyghen Rijck sult ghy zijn,
Kirieleyson.

3. Ghy sult mijn Name Eeren schoon,
End in der Noot my Roepen aen,
Ghy sult heyligen den Sabbath Dach,
Dat ick in dy wercken mach,
Kirieleyson.

4. Den Vader en der Moeder dijn,
Sult ghy nae my ghehoorsaem zijn,
Niemant Dooden noch Thoornich zijn
End dijne Trouwe houden reyn,
Kirieleyson.

5. Ghy sult gheen And'ren stelen yet,
Op niemant Valscheyt tuyghen niet,
Dijns Naesten wijf oock niet begeer'n
End all' zijns Goets geern Ontbeern'n,
Kirieleyson.