De C.L. psalmen des conincklijcken propheten Davids

Tselve Liedt vermeerdert.

CHRIstus lach in Doodes Banden,
Voor onse Sonde ghegheven,
Hy is weder opghestanden
Heeft ons ghebracht dat Leven,
Dies sullen wy all' Vrolijck zijn,
Godt loven en dancken fijn,
End singhen Alleluia.
Alleluia.
2. Den doot niemant bedwingen cond'
By allen Menschen Kindren,
Dat maecken alle onse Sond',
Gheen Onschult was te vinden,
Daer van soo quam de Doodt soo bald'
Ende nam over ons ghewalt,
Hielt ons in syn Rijck gh'vanghen,
Alleluia.
3. Jesus Christus waer Godes Soon,

[fol.  Cxcv.v]

 

Aen onse Steed' is comen,

 

End heeft de Sonde wech ghedaen,

 

Daer mee den Doot ghenomen,

 

Al zijn Recht end syn Ghewalt,

 

Daer bleef niet meer dan Doots gestalt

 

Syn Macht heeft hy verloren,

 

Alleluia.

 

 

 

4. Het was een wonderlijcke strijdt,

 

Als Doot end Leven ronghen,

 

T'leven behielt Victory wijt,

 

Het heeft den Doot verslonghen,

 

Die Schriftuer heeft vercondicht dat,

 

Hoe d'Eene Doot den Andren att,

 

Een spot wt den Doot is worden,

 

Alleluia.

 

 

 

5. Hier is dat rechte Paesschelam,

 

Daer van Godt heeft gheboden,

 

Dat isser aen des Cruyces stam,

 

In heeter Lieffde ghebraden,

 

Des Bloet dat teeckent onse Deur,

 

Dat houdt de Gelooff' den Doode voor,

 

Die Worgher can ons niet roeren,

 

Alleluia.

 

 

 

6. So Vieren wy dat hooghe Fest,

 

Met Herten Vreuchd' end Wonne,

 

De HEEr verschijnt tot onsen best,

 

End hy is selvest die Sonne,

 

Die door syner ghenaden glants,

 

Verleuchtet onse herten gants,

[fol.  Cxcvj.r]

 

Der sonden Nacht is vergangen,

 

Alleluia.

 

 

 

7. Wy Eten ende Leven wel,

 

In rechte Paesschevladen,

 

Die Oude Deesem niet syn sel

 

By den Woorde der Ghenaden,

 

Christus wil syn die Spijse reyn

 

En spijsen onse Ziele alleyn,

 

De Gelooff' wil geens andren Leven,

 

Alleluia.