De C.L. psalmen des conincklijcken propheten Davids

[fol.  CLxvij.r]

Den Loff-sanck: Een Kin-delijn soo Lovelijck.

EEn Kindelijn so Lovelijck,
Is ons ghebooren huyden,
Van eender Maghet suyverlijck,
Tot Troost ons arme Luyden.
Waer ons dit Kindlijn niet gheboor'n,
So waern wy Altrmael verloor'n,
Dat Heyl is onser Allen,
Eyia soete JEsu Christ,
Dat ghy Mensch ghebooren bist,

[fol.  CLxvij.v]

 

 

Behoedt ons voor die Helle.

 

 

 

2. Die Tijde is nu van Vreuchden rijck

 

Te Loven Godes Namen,

 

Dat Christus van den HEmelrijck

 

Op Aerden is ghecomen,

 

Het is een groot' Ootmoedicheyt,

 

Die Godt van Hemel aen ons leydt,

 

Een Knecht wert hy al haeste,

 

Sonder alle Sonden ond gh'lijck,

 

Daer door wy worden Eewich Rijck,

 

Draecht onser Sonden Laste.

 

 

 

3. Wel dien, die dit gheloovend' is,

 

Met gantscher Herten trouwet,

 

Die wort die Salicheyt ghewis,

 

Wel dien, die daer op bouwet,

 

Dat Christus heeft ghenoech ghedaen

 

Voor ons: Dies is hy wt ghegaen

 

Van Godt den Eew'ghen Vader//

 

O Wonder boven alle Maet,

 

Christus draecht ons Missedaet,

 

End stillet onsen Haeder.

 

 

 

4. Des Danck hem alle Christenheyt,

 

Voor sulcke groote Goeden,

 

End bidden syn Barmherticheyt,

 

Dat hy ons wil behoeden

 

Voor valsche Leer end boose Waen,

 

Daer in wy hebben lang' ghestaen,

[fol.  CLxviij.r]

 

Hy wil ons dat vergeven,

 

Godt Vader, Soon, end Heylig' Geest,

 

Wy bidden van dy aldermeest,

 

Laet ons in Vrede leven.