De C.L. psalmen des conincklijcken propheten Davids

Den Loff sanck: Van HEmel hooch

coem ick voorwaer, Op syn eygen Voys: Als hier nae volcht.

VAn HEmel hooch com ick voorwaer
Ick brengh u goede Nieuwe Maer,
Veel Nieuwe Maer brengh ick tot dy
Daer van ick segh end singhe bly.

2. V is een Kindlijn huyd' gheboorn,
Van eener Maghet Wtvercoorn,
Een Kindelijn soo fraey end fijn,
Dat sal u Vreucht end blyschap zijn.

[fol.  CLxxxv.v]

 

3. Het is de HEEr Christ onse Godt,

 

Die wil u helpen wt den Noot,

 

Hy wil u Heylandt syn alleyn

 

Van allen Sonden maecken Reyn.

 

 

 

4. Hy brengt u alle Salicheyt,

 

Die Godt de Vader heeft bereydt,

 

Dat ghy met ons int HEmelrijck,

 

Sult Leven nu end Eewichlijck.

 

 

 

5. So mercket nu dat Teecken recht,

 

In een Kribb' end Windoecken slecht,

 

Daer in vint ghy dat Kindt gheleydt,

 

Dat alle Werelt heeft bereydt.

 

 

 

6. Dies laet ons alle Vrolick syn,

 

End met den Herders gaen her ein,

 

Te sien, wat Godt ons heeft bescheert,

 

Met synen lieven Soon vereert.

 

 

 

7. Merck op mijn Hert, end siet daer in

 

Wat leydt daer in die Kribbelijn,

 

Wiens is dat schoone Kindelijn,

 

Het is dat lieve JEsulijn.

 

 

 

8. Weest ons Wilkom' ghy Eedle gast

 

Die de Sondaers niet laet in last,

 

End coemt int Elend' her tot my,

 

Hoe sal ick dies voldancken dy?

 

 

 

9. Ach Heer ghy Schepper aller Ding,

 

Hoe zijt ghy worden so ghering,

 

Dat ghy daer ligt op Dorre Gras,

 

Dat voor een Os end Ezel was?

 

 

 

10. Al waer de Werelt noch so wijt,

[fol.  CLxvj.r]

 

Van Edelsteen end Gout bereydt,

 

So waerse nochtans veel te cleyn,

 

Te wesen dy een Wieghelijn.

 

11. Die Flueel end die Zijden dijn,

 

Dat is groff Hoy end Windelijn,

 

Daer op ghy Coninck groot en Rijck

 

Braggeert, als waert dijn Hemelrijck.

 

12. Dat heeft also behaghet dy,

 

Die Waerheyt te bethoonen my,

 

Hoe aller Werelt Macht en Goet

 

Voor dy niet gelt noch Hulpe doet.

 

13. Ach mijn Hertlieve JEsulijn,

 

Maeck dy een Reyn sacht Beddelijn,

 

Te Rusten in mijns Herten schrijn,

 

Dat ick niet en vergeete dijn.

 

14. Daer van ick altijdt vrolick sy

 

Te singhen, springhen altijt vry,

 

Dat rechte Susaninne schoon,

 

Met Herten Lust den soeten Thoon.

 

15. Loff, Eer sy Godt in Hoochsten Troon

 

Die ons gaet schencken synen Soon,

 

Des syn verblijdt der Eng'len schaer,

 

End singent ons ten Nieuwen-Jaer.