De C.L. psalmen des conincklijcken propheten Davids

Psalm. CXXII. Laetatus sum.

Op de Voys: Nu Vreucht u Lieve Christen ghemeyn.

[fol.  CLiiij.r]

 

T'Verheucht my, als ick heb verstaen

 

Wy gaen ten Huys des HEEren,

 

Dat ons Voeten betreden gaen

 

JErus'lems Poort' vol Eeren.

 

JErus'lems is ghebouwt een Stadt

 

Om datmen nae s'Heeren Placaet,

 

Aldaer te samen come.

 

 

 

2. Die Stammen te verschijnen daer

 

Die Stammen onses HEEREN,

 

Te Predighen int Openbaer,

 

Om Israel te Leeren.

 

End s Heeren Name Dancken bly,

 

Daer sitten oock te Rechten vry

 

Die Stoel' des Huyses Davids.

 

 

 

3. So wenschet nu JErusalem,

 

Gheluck Heyl ende vreede

 

Wel Salich coemt Gods Seghen hem,

 

Die dy bemint heeft mede

 

Het moet van binnen Vrede zijn,

 

End Heyl in alle Vesten dijn,

 

Gheluck in dijn Palleysen.

 

 

 

4. Om mijner Broeder willen ick

 

Dijn Vreed' in alle Hoecken,

 

End om mijn Vrienden Salichlick,

 

Dijn Welvaert wil ick soecken.

 

End om des HEEren heylich Huys

 

So wil ick neerstich end altoos

 

Dijn Beste gaen Aenvaerden.