De C.L. psalmen des conincklijcken propheten Davids

Psalm. LXXV. Confitebimur.

Op de Voys: Nu Love mijn Siel den HEEREN, Als hier nae volget, etc.

[fol.  Lxxxix.v]

1. WY dancken GOdt wy dancken
Verconden dijne Wonder groot,
Dat dijn naem sonder wancken,
Ons by staet wel in onsen Noot,
Die Tijdt sal noch bethoonen,
Rechtveerdich Oordeel goet,
Die in den Lande woonen,
Al bevet haer Ghemoet,
Ick houd' syn Suylen crachtich
End' seggh' den Pochers aen,

[fol.  xc.r]

 

 

Die Godloos syn en machtich

 

Laet doch u Roemen staen.

 

 

 

2. En snorckt doch niet so prachtich,

 

Op s'Werelts macht ende Rijckdom,

 

Want Godt doet noch Waerachtich

 

Rechtveerdich Recht all' om end' om,

 

Meynt ghy aen allen Zijden

 

Te wesen sonder Noot?

 

Dies ghy tot gheenen Tijden

 

V vreest voor Teghenspoet,

 

Ghy sult haest anders Leeren,

 

Bevinden metter Daet,

 

Dat Godt nu dees Verneeren,

 

Nu dees Verhooghen gaet.

 

 

 

3. De HEER heeft eenen Beecker

 

In syner Handt vol stercken Wijn,

 

End' schenckt daer wt wel seecker,

 

All' die des Werelts Kinder zijn,

 

Die Godloos' Hoop moet drincken

 

Den Heffen op de gront.

 

Maer ick syn Loff wil singhen,

 

End' maecken Eewich cont,

 

Also wil ick verfoeyen

 

Der Boosen grooten Pracht,

[fol.  xc.v]

 

Op dat also mach groeyen

 

Der Vromen rechte Macht.