De C.L. psalmen des conincklijcken propheten Davids

Psalm. LXX. Deus in adiutorium

Op de Voys: Wt dieper Noot schrey ick tot dy etc.

GOdt haest om te Verlossen my,
Maect schaemroot mijn Vyanden,
Die my veel quaets wenschen, laet sy
Te Rugghe gaen met schanden.
Laet werden in de Vlucht ghewendt,
End' oock nae haer Boosheyt geschent
Die over my so schimpen.

2. Maer laetse in dy vrolijck zijn,
Die dy van Herten soecken,
En die dijn Heyl beminnen fijn,

[fol.  Lxxxi.v]

 

Godt Loven t'Allen Hoecken,

 

Want Arm end' Elendich ick sy,

 

Dijns ick behoeff, HEer help doch my

 

Mijn Godt niet langh' vertoeve.