Bzzlletin. Jaargang 3

[p. 10]

Breyten Breytenbach naam
Zuid-Afrika

naam

naam
daardie naam
ink druppel aan die pen
maar die vlek op die skrywe
blom
klad die geskiedenis
blaaie in bloed
is 'n vlag is 'n gil is 'n droom...

lande, deur die eeue, historiese eenhede, geografiese
begrippe, grense van die onderdrukking, handelsposte,
'n kamp, 'n kolonie, myne, speserye, 'n mark,
abbatoirs
sal kom sal gaan
maar Jou naam bly want jy
is nie 'n kaart nie
want jy is 'n lewe...

hoeveel nagte? 'n duisend nagte vol beendere
het ons jou klanke in die sterre getel,
'n visioen, tienduisend versplinterde beeide

jy 'n bloeiende miernes jou sale
sonder wierook jou oerwoude sonder
bloeisels jou bome fladderend van vlees
jou riviere vol gif jou kinders
vol rowe jou rysvelde
vol grafte jou hoop jou skreeu jou oopskreeu
en altyd nader jou oorwinning,
en jou dood met stapels kleingeld
en jou paaie bewe van vlugtelinge jou grysaards
bedel met monde sonder tande jou moeders
huil met tande sonder monde jou kinders
Jou kinders soos huisdiere geëksporteer,
die fluisterende kanonne smart bombs
napalm rokende palmbome
woedende sterwende toleisende gode
waggelende vet lyke van jou seuns die kamarade
in vanggate kalk en derms
die langneusmonsters uit die Weste
vlieënde demokratiese verwoesting
pes en kanker
puin ontploffende dorpies...

hoeveel mense? derduisende mense
vermink, verbrysel, vermoor...

jou monnikke en eersgeborenes
jou weduwees en brulde...

en hoeveel mense in de wêreld
van ander kontinente
maar in dieselfde geskiedenis
waar daar ook geveg word het gesneuwel
met jou naam aan die lippe
'n seël op die hart
'n vuur in die oog
'n duif in die woord...

[p. 11]

 

lande, deur die geheue, sal kom en gaan en

 

ons sal onthou die swart

 

sterre van julie oë

 

julle koorsgladde lywe

 

julle koddige kledingstukke

 

die allesverterende vlam van julle liefde julle liefde

 

 

 

en dit sal stil word...

 

 

 

hemde en glimlagte sal weer op straat loop

 

eendag

 

miskien musiek eendag in die heuwels

 

huwelike

 

eendag

 

seremonies

 

vir men se

 

wat van ouderdom

 

sterf ...

 

 

 

gras sal groei

 

oor die aarde nou swartgeskroei tot op alle verlede

 

maar sal daardie naam

 

nooit bedek nie

 

 

 

naam

 

saamnaam

 

vryheid

 

 

 

O Viëtnam

foto Peter Camping

Breyten 1972 les boxeurs' pentekening/galerie espace a'dam