Boudewijn van Seborch (Münchener handschrift) (1993)

Boudewijn van Seborch (Münchener handschrift)

(1993)–Anoniem Boudewijn van Seborch– rechtenstatus

Auteursrechtelijk beschermd



[Folio ra]
[Boudewijn van Seborch (Münchener handschrift)] Dat god om onsen wille gaf [Lae]t ons der sonden comen af Ende altoes na weldoen staen Soe [werd]en wi van gode ontfaen 5[regelnummer] Dese [g]aufoort daer ic af seide [Wa]s on[t]houden dats waerheide Met d[en] edelen coninc arnoude Hi mach doen al datti woude O[uer d]lant altemale 10[regelnummer] Die coninc was in sine zale Met [he]m rose de coninginne Gaufort hadde sine minne Geleit an die ouerscone Want men onder shemels trone 15[regelnummer] Geene scoender hadde vonden D[an] rose was te dien stonden Wie dat gaufoort minde zeree Da[n] wiste arnout niet de here D[ie] verrader const wel decken 20[regelnummer] Hi peinsde altoes om trecken Hoe hi den coninc vergeuen Mochte ende nemen dleuen Om de minne vander vrouwe Die goet was ende getrouwe 25[regelnummer] Si dedem waerdecheit ende ere W[el] was te moede den grote here Ende soe maecht elken man Die i [wijf] heeft daer hi hem an Houden mach dat so es goet 30[regelnummer] I. wijf alte vele eren doet Haren man es soe getrouwe Soe mach heten i. goede vrowe Op dat so niet en ontweecht Als haer wijf ten man waert geeft 35[regelnummer] Soe dat si hem es getrouwe I. wijf gelijct den pellen van goude Alsoe dede rose de coninginne De vroedste vander werelt binnen Dit mercte de felle gauf[r]oo[t] 40[regelnummer] De minne dedem zwaren noot Maer [hi] sachse soe vroet van sinne De goede vrouwe de coninginne Dat hijs haer niet dorste gewagen Hem zeluen moesti sijn noet clagen 45[regelnummer] Dic ente meneger vre Ende pensde mocht dauonture Noch soe comen datti soude [S]inen here de coninc arnoude [E]nechsins ter doot bringen 50[regelnummer] [Met] me[n]gen subtilen dingen Hier an leidi sijn gedochte Dicke peinsdi ofti mochte
[Folio rb]
Siere vrouwen comen tspraken Maer noit vant hi so de zaken 55[regelnummer] Dat hijt hadde dorren bestaen Dies was hi herde zeree ontdaen Ende moeste doegen sijn smerte Maer altoes stont hem therte Om te doeden sinen here 60[regelnummer] Verraders geue god onnere Hi minde alte zere de vrouwe Die cleine achte op sinen rouwe Dat wetic wel in waerder dinc Si sat bi haren man den coninc 65[regelnummer] Te nimagen in de zale Daer sach men tien seluen male De scone vrouwe goedertiere Comen haer scone kinder viere Ermreit was out vij iaer 70[regelnummer] Dat weetic wel ouer waer Sere besachse de coninc fijn Ende den iongen baudewijn Sach hi spelen in de zale Ic segge v in waerder tale 75[regelnummer] Datti ionc was van ij. iaren Nochtan was hi meerder twaren Dan sijn broeder van iaren v. Daertoe was hi so scone van liue Dat elken mensche hulpen mochte 80[regelnummer] Hulp god here die ons cochte Sprac de goede coninc arnout Ic bidde v here menechfout Dat gi dese .iiij. gracie moet geuen Datse also moeten leuen 85[regelnummer] Datse beiagen eren ende prijs Ende in dende tparadijs Dats te seggen hemelrike Hi hadde recht de coninc rike Dat hi ouer sijn kinder bat 90[regelnummer] Want elc mach wel weten dat Al eest dat de kinder ionc Sijn op haren iersten spronc Sochte ende wel geantiert Nochtan moeten si bestiert 95[regelnummer] Tenen tiden was geseten de coninc arnout om eten In sine sale met bliden zinne Bi hem sat rose de coginne Soe dede den verrader fel 100[regelnummer] Gaufoort dat weetic wel De coninc sach sine kinder Spelen in de zale ginder Si liepen hem merge alle iiij Emereit de goedertiere
[Folio rc]
105[regelnummer] Ende alexander ende gloriant Ende baudewijn de ionchere valiant Al haddi gad der [ia]ren .x Soe was hi manlec te ziene Seder was hi ridder vercoren 110[regelnummer] Entie beste die spien sporen De coninc sach sijn kinder zere Ende seide god lieue here Wilt dese soe lange laten leuen Dat si moeten wesen 115[regelnummer] Ontsien van den sarasine Des biddic v met herten fine Ende si toegen moeten de gedane Vanden ridders metten zwane Daeraf datse comen sijn 120[regelnummer] Des biddic v hemels drochtijn Met ooetmoede herde groet Amen seide doen gaufoort Al lachende met loeser [h]erten Sijn grine[n] ginc niet ter sterten 125[regelnummer] Stillekine hi weder seide Her coninc bi mier man[der]heide Ic sal v hulpen vanden liue Om te sine bi dinen wiue Die ic minne met herten zere 130[regelnummer] Ende bi onsen lieuen here Dine kindere alle iiij. Salic morden herde sciere Want haddic den vader doet In liete leuen om gee[n] noet 135[regelnummer] Baudewijn hi wert soe fel Ic siet an hem her[d]e wel Hier mede datti bese[ch sat] Daer de coninc ter tafelen at Met genoechten herde groet 140[regelnummer] Op deen side sat gaufroet Ah dander side de coninginne Doen sach men comen ter zalen inne Enen knape zere gewont Cort hi vore den coninc comt 145[regelnummer] Ende seide god diet wel doen [mach] Moete geuen goeden dach Den coninc ende sijn gesinde Mier vrouwen entie ic hier vinde Beide clene ende groet 150[regelnummer] De coninc seide god die sijn doget Om onsen wille int cruce gaf Knape die geue v goeden dach [S]egt wat hebdi vernomen Vte wat lande bestu com[en] 155[regelnummer] De knape die wel was berade[n] Antwordem al bi staden
[Folio va]
Den coninc sonder letten mee Ende seide ic was ouer zee Geuaren met peter den ermite 160[regelnummer] Ende pelgrijm gewaerlike Here hoort hier de waerheit fijn Met vwen broeder baudewijn Die van biauuaes es here Hadde mi onthouden ende dede mi ere 165[regelnummer] Here ic was sijn bottelgier Baudewijn ende menech prencier Quamen met geselscape groet Op den berch van kieueroet Dus soe waren wi bestreden 170[regelnummer] Here hoort hier de waerheden Van den coninc cormarant Ende vanden coninc solomant Die van nikes es here Coninc arnout lieue here 175[regelnummer] Daer moestet alsoe vergaen V broeder baudewijn bleef geuaen Van corma[r]ant den fellen hont Ende ritchaert van chamont Harpijn van berges sijts wijs 180[regelnummer] Bouden ketelkijn iehan dalijs Die bleuen daer ic segge u ditte Entie bisscop vanden pitte Pieter [der]mite die ont[f]loe Soe dedic oec ic bem[s vroe] 185[regelnummer] [Z]eere soe was ic gewont Als v noch mach wesen cont Ic come v seggen van vwen broeder Vus vader kint ende vwer moeder Die paiene houden geuaen 190[regelnummer] Coninc here wils verstaen Hi leuet noch dat es waer Maer hi heuet vangnesse swaer Coninc noch hoort na mi mee Een volc dat vaert ouer zee 195[regelnummer] Met herde menegen baroen Godefert de here van bulioen Iden zone der goeder vrouwen Esser af leidsman in goeder trouwen Coninc here prense fijn 200[regelnummer] Peinst om den lieuen broeder dijn Vus vader kint ende moeder Ende wilt hulpen dinen broeder Ende peinst men sal v scande seggen Op dat gine daer laet liggen 205[regelnummer] .I. broeder die sinen broeder falgiert Een vremt es wel vernoiert Dat hine van sinen liue be[scouwe] hets recht dat hem oec b[etrouwe] [A]ls de coninc arnout verstoet
[Folio vb]
210[regelnummer] Des hem de bode maecte vroet So lieti her menegen traen Dat sijn broeder was gev[a]en Want hi hads groten rouwe Hi seide bi onser lieuer vrouwe 215[regelnummer] Van minen broeder es mi leet Na dat ic de waerheit weet Dat hi es in groter noet Soe waric als .i. hase bloet Wildic hem niet te hulpen varen 220[regelnummer] Ic wil gereiden sonder sparen Beide bargen ende scepen Minen broeder willic wreken Ofte in den wille bliuen dooet Als dit de goninne hoort 225[regelnummer] Wart si recht vten kere Ende seide lieue here Dore god wilt vwort wenden Soudi mi laten in alenden Edel here edel wigant 230[regelnummer] Peinst wat gi laet in v lant Ende genoech in hebt te doen [Ende] coninc van herten coen Ende siet op v kinder iiij Wie salse achter v bestieren 235[regelnummer] Ofte gi vaert vten lande De coninc seide altehande Vrouwe ic sal wel mijn l[a]nt Laten [be]waert bi [sa]mant Waerde v[rouwe scone ca]re 240[regelnummer] Ic moet emm[er] thulpen varen Baudewijn minen broeder Mijns vader kint ende moeder Lietict het waer grote scande Hi leit onder de gods viande 245[regelnummer] Doe ic om minen broeder ganc God die sals mi weten danc Ic meine te wreken sijn anden Ende mi te loesen vanden bande[n] Daer ic mede bem gebonden 250[regelnummer] Dat sijn mine zware sonden Daer omme soe moetic inder reesen Vrouwe laetet v wille wesen Want ic moeter emmer varen Doen seide gaufoort sonder sparen 255[regelnummer] Die fel was ende quaet Her coninc seiti nv verstaet Vaerter hets wel ghedaen. Ic die sal wilt verstaen Vriende ende mage ontbieden 260[regelnummer] Ende in mijn lant so vele lieden Dat gijs selt hebben ere Ic wille met v ouer mere
[Folio vc]
Op de felle sarasine D[or] gods wille dogen pine 265[regelnummer] Ende om vwen wille mede Vriendelec de coninc [se]den Her gaufort hebt [d]anc Ende ic segge v sond[er wa]nc Wilt mi god mijn leuen sparen 270[regelnummer] Ic saels v dancken wet te w[aren] Gaufoort seide ic a[ns u w]el Maer stille seide de verrader fel Bi den here die mi wro[ch]te Anders ic niet en mochte 275[regelnummer] Comen te minen porpose Ic heb wel in mijn gelose Dat gi [in] dlant nemmermere Weder comt bi onsen here En doe zelue barlabaen 280[regelnummer] Ic sal v vercoepen saen Soudaen coninc ofte amistant Dan salic weder keren int lant Ende dine kindere alle .iiij. Met mier hant vermorden scier[e] 285[regelnummer] Dan salic hebben de coning[inne] Wien ic bouen gode minne Ende bouen [.ier ...]der me[..] Die dief dit[........] Om de[..........ien] 290[regelnummer] So [............]ien [D]ie coninc en lette [n]iet hine beual ende hiet Te gereiden wat men mochte Want ouer zee was sijn gedochte 295[regelnummer] Om niemens wille wilt hij[t laten] Gaufoort die god h[aate] Die voer in vrieselant Daer hi sine mag[h]en vant Die hi seide cleen ende groet 300[regelnummer] Hi seide w[.d]en se [....os] Wat hi micte te [.......] doene Met arnoude den [coninc] coene Het waer hemlieden alsoe goet Te nimagen hi hem sp[oe]t 305[regelnummer] Ende quam te hulpen in [ware dinc] Met sconen volke den coninc Wel was hi ontfaen Die coninc dede gereiden zaen Scepe b[a]enen ende baken 310[regelnummer] Ende al dat doech tselker sa[ken] Ende dat den orloge beh[oort] Dedi gereiden rechte voor[t] Daer na dedi gebieden Alle manieren van armen lieden

Over dit hoofdstuk/artikel

titels

Boudewijn van Seborch