Den Bibel, Inhoudende dat Oude ende Nieuwe Testament (Biestkensbijbel)

¶ Den .Cxxx. Psalm.

Een Liedt int hooghe Choor.

1

⁺VVt der diepten roepe ick HEEre tot v.

+ A vers 1

2

HEEre hoort mijn stemme, laet uwe ooren mercken op de stemme mijns smeeckens.

3

^* Ist dat ghy wilt HEEre de sonden toereeckenen, HEEre wie sal bestaen?

* Iob. 9.a.1. 25.a.4. Psal. 143.a.2.

4

Want by v is de vergheuinghe, datmen v vreese.

5

Ick wachte des HEEren, mijn siele verwacht, ende ick hope op zijn woort.

6

Mijn siele wacht op den HEEre, vander eender morgen wake totter ander.

7

Israel hope op den HEEre, want byden HEEre is de genade, ende veel verlossinghe by hem.

8

^* Ende hy sal Israel verlossen, wt alle zijne sonden.

* Esai. 43.d.25. Iere. 33.b.8.