Biekorf. Jaargang 46

De Watering van Veurne-Ambacht
1411-1412.
(Vervolg van Wvl. Archief 1939, bl. 72).

Item costen ghedaen ande vors. vier percheelen bi dachwerken: Eerst in tander percheel, zo was ghewrocht in zom enighe

[p. 21]

steden ende den varschen dijc bachten ghehoocht 2. voeten, 1 1/2 voet, enen voet, ende voren enen voet, twelke men niet goedleix in taswerke besteden mochte, ende was ghewrocht in dit percheel drie weiken, dan of Willem van den Rine bedriver was, ende deen hadde meer ende dander min, naer dat hem dochte dat zij verdienden also claerlike blijct in een papier daer man ende stic in staet ende elc hoe vele:

deerste weike beloopt	8 lb.	15 sc.	9 d.
dander weike beloopt	6 lb.	9 sc.	9 d.
derde weike beloopt	6 lb.	6 sc.
Item ghecocht bi Willem van den Rine 12. pipegalen te 8 sc. stic, comt		4 lb.	16 sc.
Item den zelven van 12. butten ghestoffert te 8 sc. stic		4 lb.	16. sc.
Item Willem vors. van zinen bedrive			3 lb.

Item vort in de 3. ander perchelen ghewrocht bi dachwerken met spadelieden, met buttiers, met pipegalen omme dat ment niet goedleix besteiden mochte in taswerke, dan of Heinrijc van Duustbourch bedriver was, ende was ghewrocht in dese vors, drie perchelen in zom eenighen steden, ende den varschen bachten ghehoghet 2. voeten, 1 1/2 voet, vijf weiken lanc, ende deen hadde meer dander min naer dat hem dochte dat zij verdienden, also clarlike blijct in een papier daer man ende stic in staet ende elc hoe vele:

Comt deerste weike	18 lb.	8 sc.
dander weike beloopt	13 lb.	6 sc.
de darde weike comt	8 lb.	15 sc.
de vierde weike beloopt	19 lb.	2 sc.	6 d.
de vijfste weike comt	5 lb.	10 sc.
Heinrijc van Duustbourch van zinen bedrive	5 lb.

Noch costen ghedaen anden vors, dijc bi Frans Zoets bomgherdekin daer de dijc onder gheminert was ende onderhoolt biden lope vanden watre vander havene, ende was bi enighen gheavisert dat men daer maken zoude drie of vier veldammen de welke groot goed ghecost zoude hebben, zo dat wij, Regenten vander wateringhe over zaghen datter ghescil of commen mochte tusschen die vanden Vrye ende die van Veurneambacht, datmen den loop vande havene ghemindert zoude hebben, ons beter dochte datmen den dijc daer hoochde ende breedde, dan de veldammen daer te legghene, bestedede Heinrijc van Duustbourch vorseid, meester spademan, den dijc daer te breedene 8. voeten ende te hoghene 8. voeten 22. roeden lanc, ende vort een hende van ere ouder dilf te vulne daer of de dyc stoet te grote grieve, ende de wateringhe

[p. 22]

leverde hem tland daermede de dijc ghehoocht was ende ghebreed omme 24. sc. de roede, beloept 26 lb. 8 sc.

Item costen ghedaen omme tland te betaelne dat ghenomen was omme den dijc te hoghene, ende dat betaelt also men van ouden tiden gheploghen heift, dan of de somme bedraecht 2800. ende 16 1/2 roeden upper lands, ene steke diep te 18. d. elke roede. Item 48. roeden 2. steke diep, 2 sc. 6 d. elke roede. Item 22. roeden ontgrond te 3 sc. elke roede. Item 15. roeden erve daer de dijc up gheleid ende ghebreed es bij Francois Zoets boomgherdekin 3 sc. elke roede, also blijct bi enen pappiere daer man ende stic in staet van wiens lande dat genomen es, bedraecht tvorseide land al tere somme

222 bl. 15 sc. 9 d.

Item van 27 roeden bonen gheselgiert toebehorende mer joncvrauwe der wedue Jan Zoettins bi dat darde daer onder genomen was

16 sc.

Item Willem van den Rine landmetere van alden vors. grond te meitene ende in ghescrifte te legghene, daer hi over besich was 8. daghen lanc 20 sc. sdaghes, comt

8 lb.

Item Willeme vorseid van te helpene taviserne waert van noden was den dijc te hoghene ende stake te slane daer men den dijc ghehoghet wilde hebben, ende vanden werke te metene bider strecroede dat Heinrijc van Duustbourch, meester spademan, ghemaect hadde, daer in de vors. Willem vachierde 7. daghen te 20 sc. sdaghes, comt

7 lb.

Item Heinrijc van Duustborch, meester spademan, omme dat hi metten Regenten ghinc ende twerc over te ziene waer de dijc van noden was te hoghene, ende hemlieden dan of te bevroedene, van 2. daghen 20 sc. sdaghes beloept

40 sc.

Item Andries de Visch ende Fransois Robaerd als cuerheers daertoe gheordineert omme den dijc te visenterne metten Regenten waer hi van noden was te hoghene ende hoe dat menne hoghen zoude ten minsten costen, in twelke zij vachierden 2. daghen elc te 24 sc. sdaghes comt

4 lb. 16 sc.

Item Hughe Kavle, meester spademan, die mijn here vanden Dune ute Vierambochten vanden Zande dede commen ten Dune ende sende den vors. Hughe ten varschen dike metgaders den kelewaerder ende watergrave vanden Dune omme de parchelen die besteiken waren met staken hem te betoghene omme bevroed van hem te zine wat an elke roede te verdienne ware, want hij vele diken in Vierambochten ghehoocht ende ghemaect hadde, bi hem aldoe vertert

5 lb. 12 sc.

Item den zelven Hughe ghegheven in hovesscheden bi bevelle van mijn here van den Dune

40 sc.

[p. 23]

Item den 9^sten daghe van oustmaend 1410 waren ghesent Vincent Veyse, Jan Arleboud, Ghiselin Vleric, Passchier de Muts, Andries van Zinnebeke als cuerheers ten varschen dike metgaders den Regenten vander wateringhe omme de scouwinghe vande 2. parchelen vanden dike van der hogher bricghe buten Dixmude noordwaert over te ziene ende over te nemene dat Heinrijc van Duustborch, meester spademan, hadde ghenomen den zelven dijc te hoghene ghelijc dat zeker ghescrifte daer of ghemaect wel verclaersen ende meincioen maken, ende ne conste aldoe de vors. parcheele niet overzien noch doen meten bi dat up den vors. dach eenparlike reinde, waren buten de vors. vijf cuerheers 1 dach elc 24 sc. sdaghes, comt

6 lb.

Item den 16^sten vande vors. maend waren ghesent dezelve vijf cuerheers ten varschen dike metgaders den Regenten vander wateringhe, ende overzaghen ende scouweden de vors. 2. parchelen de hoghe, de brede vanden dike dat Heinrijc vors. ghenomen hadde, ende was bevonden de vorworde bi hem wel vulcommen also de ghescrifte dan of verclaersen, waren uut de vors. cuerheers 1. dach, elke te 24 sc. sdaghes, comt

6 lb.

[Den 24 September een gelijke schouwing van ‘de ander 2. parchelen vanden dike vander hogher bricghe buten Dixmude westgaende tote cuerbaerds houke bewesten pereboom bricghe...’]

Item costen ghedaen van 11. bailgen ghestelt upden vaerschen dijc omme datter niemen up meynen zoude omme sweres wille, coste thoud jeghen Jacob den Zot van Dixmude 11 lb. 12 d.

Item Jan Boudene van den bailgen te makene 12. daghen te 8. sc. sdaghes, comt

4 lb. 16 sc.

Item Willem vanden Rine ende Clais Perebome vanden bailgen te stelne upden dijc elc 6. sc. sdaghes, comt

3 lb. 12 sc.

Item van sciphueren omme de bailgen te voerne ten vors. dike daer zi ghestelt zijn

20 sc.

Item Gregor Hoste van Dixmude van 11. maelsloten metgaders den crammen ende naglen daer toe behorende omme de vors. Bailgen

5 lb. 12 sc.

Somme 1176 lb. 16 sc. 3 d.