Biekorf. Jaargang 46

[p. 22]

De Watering van Veurne-Ambacht.
1411-1412.

INT JAER ONS HEREN .M.CCCC. ENDE TIENE upden laetsten dach van meye, zo telivererde over myn here dabt van S. Niclaus metgaders zine medeghesellen de varsche diken, de slusen, stalizeren ende veldammen vander wateringhe van Veurneambacht, de welke hi in pachte ghehadt hadde, zes jaer lanc ghedurende, dan of de pacht ute ghinc upden vorseiden laetsten dach, ende up den zelven zo rekende Dans Pauwels de Kat, monec ten Dune, als ontfangher van alden goede dat ter wateringhe vorseid toebehoord, ende dat in de name van myn here ende ziere kerke vanden Dune, als vanden ghedelve, vander ryolegracht, daer de wateringhe aldoe tachter bleef, also blijct bachten int slot vander laetster rekeninghe, 504 lb. 3 sc. 6 d.

DIT ES DE REKENINGHE vander wateringhe van Veurneambacht gheordineert ende ghemaect bij Fransois Hoofde, als daertoe gheordineert ende ghestelt omme de wateringhe te regierne bi myn heren den groten leiden, bi heren, bi wetten ende biden ghemenen vander wateringhe, metgaders Dans Pauwels den Kat, monec ten Dune, als ontfangher van alden goede datter wateringhe vorseid toe behoord, ende dat in de name van myn heere ende van ziere kerke vanden Dune, ghedaen int jaer ons Heren .M.CCCC. ende twalefve upden XVI^sten dach van april naer Paesschen.

Ontfanc vander vorseide wateringhe.

Eerst ontfanghen ene hovine van 12. d. par. up tghemet die ghesleghen was upden vors. dach vander laetster rekeninghe omme de vors. achterstelle dermede te betaelne ende vort de wateringhe dermede te beledene, ende dontfanc vanden 12. d. up tghemet bedrouch in ghelde tere somme 2362 lb. 17 sc. 6 d. par.

Item ontfanghen noch ene hovine van 6. d. par. up tghemet die ghesleghen waren upden 26ⁿ dach van hoymaend int vors. jaer tiene ende was tavis van mine heren den groten leeden, van heeren van wetten ende van enighen ghelande inde vors. wateringhe datmen dermede ghedolven

[p. 23]

zoude hebben in de waterganghen, de welke 6. d. par. bedraghen ter somme 1181 lb 8 sc. 9 d.

Somme van al den ontfanghe 3544 lb. 6 sc. 3 d. par.

Ende dachterstel bedraecht dat de wateringhe tachter bleef ter laetster rekeninghe also boven verclaerst 504 lb. 3 sc. 6 d.

Dus bliift de wateringhe te boven te hulpe den costen die zident der laetster rekeninghe ghedaen ziin tote den daghe van heiden 3040 lb. 2 sc. 9 d.

Uutgheven vander vorseide wateringhe binder vorseide tyd.

Eerst upden laetsten dach van meye int vors. tiene, doe de laetste rekeninghe ghedaen was, vertert ten huze vanden Dune in Veurne, by myn here vanden Dune, den proost van Loo, myn heer Montfrant van Eessene, myn here Jacob Belle, de hoofbailliu van Veurne crichoudere, Phillips van Leinsele, Omaer Knibbe al doe landhouders, Andries de Visch, Fransois Robaert, Willem vanden Wale, Jan Aerleboud, Passchier de Muts, Andries van Zinnebeke al doe cuerheers, Roeland Zoettom, Andries Spaen, clerken vander wet, Jan Joris, Jan Masin filius Symoens, Willem vanden Rine, Passchier Widemond, Jan de Vos, landmeters, met haerlieden familien ende upcommers onder in spise ende in dranke.

26 lb. 19 sc.

Item upden vors. dach, vertert te Aernoud Nicois bi myn here den bourchgrave van Veurne, myn here van Mercheem, myn here Jan Sporkin, myn here Willem den Visch, Roegier Kanin, Phillips de Crane, Diederic de Rode, Jan van den Walle ter cruce, Heinric Belle, Roeland van Stavle, Jan vanden Walle, berider, ende vele andre haerlieden familien, onder nuchtens ende navons.

12 lb. 17 sc.

Item up den zelven dach vertert te Jacob Smoors bi myn here den abdt van S. Niclaus, Jacob vander Bourch, tafelhoudere ende vier van myns heren vors. religieusen met gaders haerlieden familien

4 lb. 12 sc.

Item up den vors. dach vertert bi enighe goede cnapen vander wateringhe in diverschen steden ende ghedaen houden ande wateringhe bi goedinkene van myn here vanden Dune, myn here Montfrant van Eessene, myn here Jacob Belle, van den bailliu van Veurne ende die bi hemlieden waren, Fransois Hooft ende Dans Pauwels, ghelast daer mede wesende omme te doen scrivene in een cedule bi wat lieden ende hoe vele, bedraecht

18 lb. 12 sc.

(Vervolgt)