Souterliedekens
(1540)–Willem van Zuylen van Nyevelt–
Auteursrechtvrij
[Folio H2v]
| |
§ Den .lij. psalm Dixit insipiens in corde suo. Nae die wise Ick heb een wijf ghetrout, God weet oft mi berout. INt herte spreect een sot Ga naar margenoot+
Dat daer is gheenen God
Bedoruen sijn haer weghen Ga naar margenoot+
Haer wercken boos ghemeen
Want daer en is niet een
Die duecht sou moghen pleghen.
God sach int sweerelts pleyn Ga naar margenoot+
Op die menschen seer onreyn
En socht in allen hoecken
Oft daer was vrou, oft man
Die op hem achten can
En die zijn woerden wil soecken.
Sij zijn (hoort dese tael) Ga naar margenoot+
Af gheweken alte mael
Seer onbequaem gheuonden.
Niet een die doet, oft denct
Duechden: oft volbrenct,
Niet een, tot allen stonden
Salt haer niet condich zijn Ga naar margenoot+
| |
[Folio H3r]
| |
Hoe dat si tvolck mijn
Verslinden, en verworghen?
God sij en aenroepen niet Ga naar margenoot+
Maer vreesen, alsomen siet
Daer niet en is te sorghen
God stoort alle haer ghebeent Ga naar margenoot+
Die hier soe zijn versteent
Den menschen te behaghen
Want God om dit abuys
Die maecte haer confuys
En woudese niet verdraghen.
Wie sal wt Syon (hoort) Ga naar margenoot+
Salicheyt brenghen voort
Wanneer God zijn gheuanghen
Verlost, dan Iacob sel
Blide zijn: en Israhel
En louen God met sanghen.
|
|