Souterliedekens
(1540)–Willem van Zuylen van Nyevelt–
Auteursrechtvrij
[Folio H2r]
| |
 coemt ons te baet
Als ons hier wat ouer gaet.
U tong heeft willen dencken Ga naar margenoot+
Boosheyt, den heelen dach
Ghelijck een scheermes can crencken
Alsoe si oock te bedrieghen plach
Soe men aen haer vruchten sach.
Dat quaet wout ghi omuanghen Ga naar margenoot+
En alle loghentael:
En bouen tgoet, dat quaet aen hanghen Ga naar margenoot+
Ghi hade al lief (hoort dit verhael)
Dat den goeden bracht te dael.
Daer om sal v bederuen Ga naar margenoot+
God: en wt roeyen heel
Dat ghi, noch oock uwe eruen,
Dat aertrijck hebben sult te deel.
Want ghi hem veracht te veel
Diet siende, sullen vreesen Ga naar margenoot+
Die goede, en lachen seer.
En sullen spreken mids desen
Siet, dese mensche met cleynder eer
Heeft verlaten God sinen Heer.
Hy hoepte op zijn goeden Ga naar margenoot+
Seer vol van ydelheyt.
Maer God woude my behoeden
Als een olijf was ick bereyt. Ga naar margenoot+
En hoepte in Gods maiesteyt.
U sal ick lof bewisen Ga naar margenoot+
Heer, dat ghijt hebt ghedaen
V naem verwachten, en prisen.
Want hem yst goet te cleuen aen
V heylghen die hem dat verstaen.
|
|
