Souterliedekens
(1540)–Willem van Zuylen van Nyevelt–
Auteursrechtvrij
[Folio F1v]
| |
Nae die wise Rosina waer was v ghestalt.  DIe boose sprack in zijn ghedacht
Dat hi tot sonden wou pooghen
Gods vrees en heeft hi niet gheacht
Ghehouden voor zijn ooghen
Want hi bedriechlijck de voer God den Heer
Dat zijn misdaet
En boos ghelaet
Mocht zijn ghehaet met allen seer.
Sijn woerden, zijn boosheyt, en bedroch Ga naar margenoot+
Hy en heues niet willen bekennen
Om wel te doen op aerden, noch
Tot duechden hem willen wennen. Ga naar margenoot+
Hi heeft in zijn camer wijsheyt voort brocht
Sinen wech was quaet
End sonder haet
Heeft hi die quaetheyt altijt ghesocht.
U goetheyt Heer is in hemelrijck Ga naar margenoot+
V waerheyt hooch gheresen
End v iusticy is ghelijck Ga naar margenoot+
Als Gods berghen ghepresen
| |
[Folio F2r]
| |
O Heer v oerdeelen als een diepte zijn
Want ghi gheneest Ga naar margenoot+
Menschen en beest
Soe ghi vermeerde v ghenade fijn.
Onder v vloghelen sullen seer Ga naar margenoot+
Hopen der menschen sonen:
Heel droncken van v gauen Heer
Sullen zijn die bi v wonen.
Wt den beker van v wellusticheyt Ga naar margenoot+
Sult ghi voerwaer
Haer alle gaer
Schencken: die ghi haer hebt bereyt.
Die clare fonteyn des leuens soet Ga naar margenoot+
By v is, sonder ophouwen.
Het licht dat ghi ons gheuen moet
In v licht wij sullen beschouwen.
Verbreyt hen v goetheyt die v kennen hier Ga naar margenoot+
Thoont en verclaert
Hier onghespaert
Den goeden, v iusticy fier.
En laet doch my toe comen niet Ga naar margenoot+
Den voet der opgheblasen
Noch my al hier beroeren yet
Die hant der sondigher dwasen.
Want die met boosheyt hebben om ghegaen Ga naar margenoot+
Die vielen al
Een grooten val
Sijn wt ghedreuen, si mochten niet staen.
|
|