De C.L. psalmen des conincklijcken propheten Davids

Psalm. XXVIII. Ad te Domine.

Op de Voys: Ach Godt van HEmel siet daer in, etc.

HEEr mijn Confoort als ick aenroep,
Wilt my niet swijghen stille,
Swijcht ghy, soo coem ick in den Hoop
Die varen in die Helle,
Verhoor mijn smeecken end' Geschrey,
Als ick mijn Handen streck tot dy,
Nae dijnen Heyl'gen Choore.

2. Wilt my [...] Godloosen niet
Vernielen noch wech rucken,
Die voor Weldaet die haer gheschiet,
Niet doen dan quade Stucken.
Die goede Woorde spreken wel,
Maer hebben boose Herten fel,
Om ander te bedrieghen.

3. Geeft haer nae hare Feyten swaer,
En nae haers Handen Wercken,
Nae haer Verdienst vergeldet haer,
Want sy op GOdt niet mercken,
Noch op die Wercken zijner Handt,
Dies maeckt hyse al heel te schandt,
Maer mijn Ghebedt verhooret.

[fol.  xxx.v]

 

4. Mijn stercke Schilt is GOdt de Heer,

 

Mijn Hert is vro en blijde,

 

Hy helpt my altijt, dies ick meer

 

Met Danck syn Loff belijde,

 

De HEER is onser aller Sterckt,

 

Helpt syn Gesalffden, dat wel merckt,

 

Sijn Erff hy seghent Eewich.