Souterliedekens
(1540)–Willem van Zuylen van Nyevelt–
Auteursrechtvrij§ Den .lv. psalm. Miserere mei Deus, quoniam conculcauit me homo Nae die wise Mijn liefken siet my ouel aen EEn mensch wou mi verdrucken Heer
Daer om wilt mijns ontfermen
Hi tribuleert mi altijt meer
Dus wilt v knecht beschermen.
Veel vianden bestriden
My hier dach ende nacht
En brengen tot mi al haer macht
Wel seer onsacht:
Nochtans moet ic dat liden.
Als ick heb liden, ofte pijn, Ga naar margenoot+
Ende als ick ben vol vreesen
Dan sal ick in v hopen fijn Ga naar margenoot+
Doer v ben ick gheneesen
Ick en sal my niet verueeren
Wat mi dat vleesch hier doet.
Want sy verachten in haren moet. Ga naar margenoot+
| |
[Folio H5v]
| |
Mijn woerden goed
Met quaet sij haer gheneeren.
Sy sullen stricken leghen my Ga naar margenoot+
Laghen nae mijnder sielen
Ghi sult om niet haer maken vry Ga naar margenoot+
Die my wouden vernielen
In uwer toornicheyden
Haer sonden ghi straffen selt
Mijn leuen heb ick v vertelt: Ga naar margenoot+
V zijn vermelt
Mijn tranen die ick screyden.
U woerden bliuen altijt waer Ga naar margenoot+
Die ghi ons wilt belouen
Dan sullen wijcken alle gaer
Die hier mijn siel berouen.
Als ick v sal betrouwen Ga naar margenoot+
Aenroepen tot alder tijt
Ick ken dat ghi mijn hulper zijt
Ghebenedijt
Daer ick v voer wil houwen.
Ick sal Gods woerden maken groot Ga naar margenoot+
Sijn goetheyt altijt prisen
Wanneer ick wesen sal in noot
Mijn hoep sal in hem risen.
Ken sal daer niet op achten
Doet my die mensch hier leyt
Want ick heb God met dancbaerheyt Ga naar margenoot+
Mijn hert verbreyt
Hem louen mijn ghedachten.
Want ghi mijn siel woudt ouer al Ga naar margenoot+
Oock vander doot bewaren
End oock mijn voeten wt den val
Doer dijn ghenade sparen
O Heer verhoort mijn claghen
Laet mi soe zijn ghesticht
| |
[Folio H6r]
| |
Dat ick doer dijn rechte licht
(Hoort dit ghedicht)
Altijt dy mach behaghen.
|
|