26 Psalmen

Den cxix. Psalmm: beati immaculati. Op de wijse, God der Goden etc.

HET zijn ia saligh alle die,
in rechten ghelooue wandelen hier,
in de Wet Gods des Heeren.
Sy zijn oock saligh alle t’zaem,
die zijn tuyghnis voor ooghen han,
van herten haer begheeren.
Want welcker boose daders sint,
die wandelen niet als Godes kindt,
op zynen weghe niet houden.
Ach Heere God van hemelrijck,
du hebst

[p. 68]

 

gheboden vlietighlick,

 

Ia dijn ghebodt te houden.

 

 

 

O God dat alle t’leuen mijn,

 

gherichtet worde na t’behagen dijn,

 

te houden dyne rechte,

 

Dan sal ick niet te schanden gaen,

 

wen ick gantz vlietigh schouwde aen,

 

dyne gheboden all slechte.

 

So danck ick dy mit hertlickheyt,

 

der gherichte dyner gherechtigheyt,

 

die du my leerest mit maten,

 

want dyne Recht ick houden wil,

 

mit dyner ghenade dy tot my snel,

 

Doe my niet gaer verlaten.

 

 

 

Waer betert nu een Ionghelingk t’zaert,

 

zijn wegh dan so hy sick bewaert,

 

na dynen woorden alle,

 

Heb dy van gantzen herten mijn,

 

ghesocht O Heere niet laet my heen,

 

van dijn geboden vallen.

 

So hebbe ick door de rede dijn,

 

verborghen in mijn herte henin,

 

dat ick voor dy niet sonde.

 

Ghebenedijet du Heere God,

 

leer my door dyne goedt ende ghenaed,

 

Dat ick dijn rechten vinde.

 

 

 

Nu heb ick mit den lippen mijn,

 

alle ghericht des mondes dijn,

 

bekennet end vertellet

 

In den wegh dyner tuighnis o Heer,

 

mit lust te wandelen heb ick meer,

 

als alle rijckdom ^† erwelet.

 

In dijn beuel reed ick allein,

 

want menschen gheset zijn ghaer niet reyn,

 

ick schouw op dyne pade.

 

Na dijne Rechten lust my veel,

 

dijn woordt ick niet vergeten wil,

 

Uerleen my dyne ghenade.

FINIS.

† Uerkoren.