Lietboeck inhoudende schriftuerlijcke vermaen liederen, claech liederen, gebeden, danck liederen, lofsanghen, psalmen, ende ander stichtelijcke liederen

Dat iiij. Danckliet.

DINHOVT.

Godes goedicheyt ende bermherticheyt waer door hy hem ouer den schreyende sondaer genadichlijck ontfermt, werdt in desen liede ghepresen, ende die geloouighe siele Godes ghenade ende goedichen deelachtich gheworden synde, looft den Heere ende danct hem in desen van syn bewesen weldaet.

Singt met aendacht.

MYn siele looft den Hee-

[p. 80.r]

 

 

re dijn,

 

Van alle syn weldaden,

 

Looft den Heere O siele mijn,

 

Prijst hem vol van ghenaden,

 

Hy bewijst syn goetheydt,

 

Die siel die tot hem schreydt,

 

Soet is de HEER,

 

Vriendelijck seer,

 

Hem sy eewich lof, prijs en eer.

[p. 80.v]

 

Groot is Heer uwe goetheyt reyn

 

O ghy mijn Godt verheuen

 

⁺Den bekeerden sondaer certeyn

 

Wilt ghy ghenade gheuen

 

⁺‡ So wijdt het oosten is

 

Van het westen ghewis

 

Wildy Heer ghy

 

Ons sonden vry

 

Van ons wech doen met moede bly.

 

Als een Vader zijn kint neemt aen

 

So wilt ghy v ontfermen

 

Ouer al die v vreesen saen

 

Ghy wilt v Heer eerbermen

 

Ouer den mensche wel

 

⁺† Die tot v comt seer snel

 

Met ware boet

 

En gheloof goet

 

Want ghy zijt ghenadich en soet.

 

† Ghy vergheeft Heere de misdaet

 

Van die arme sondaren

 

⁺Die tot v schreyden vroech en laet

 

Wilt ghy v openbaren

 

Te zijn ghenadich wel

 

Haer sonden boos en fel

 

Wildy seer claer

 

⁺Vergheuen haer

 

Door dijn goetheyt tis openbaer.

 

⁺Seer goedich zijt ghy Heere reen

 

Vriendelijck en lanckmoedich

+ eze. 18. c, 27

+ Ps. 103. b 12

+ mt. 18. c, 28

+ Ps. 50. b, 15

+ Mich. 5. 18

+ Jona. 4. a 2

[p. 81.r]

 

Uwe goetheyt aen groot en cleen

 

Vertoont ghy hier seer spoedich

 

Als ick hadde misdaen

 

Ende v oock riep aen

 

Wt anxt en noot

 

Met rouwe groot

 

So hebt ghy mijn ghebedt ontfaen.

 

Des danckt mijn siele den God mijn ⁺

 

V danck ick O mijn Heere

 

Ghy vergauet mijn sonden fijn

 

Des sy v prijs en eere

 

Dijn ghenade seer fris

 

Maeckt ghy mijn siel ghewis

 

Door uwen gheest ⁺

 

In dit foreest

 

Des looft den Heer minst ende meest.

 

‡ V goedicheyt duert eewichlijck ⁺

 

† Des moet ick altijt louen

 

V mijn Godt vol ghenaden rijck

 

† Ghy Enghelen hier bouen ⁺

 

‡ Ghy Hemelsche herschal ⁺

 

Louet den Heere al

 

Alle wat leeft

 

Hem toch prijs gheeft

 

† Louet den Heer wat Adem heeft. ⁺

FINIS.

+ Psa. 103. a 1

+ Ro. 8. b, 16.

+ Ps. 136. a, 1
Ps. 146. a, 2

+ Ps. 103. c 20

+ Ps. 148. a, 3

+ Ps. 150. a, 6