Album Joannis Rotarii (Johan Radermacher)

[fol. 68r]

[23. Hugo de Groot, Gedicht voor Johannes van Reygersberg.]

Haec quae te potuit domare prima
Effrenesque diu ligare sensus,
Cepit, sed pariter puella capta est.
Et contagia traxit in medullas
Flammae nec tenuis nec ante notae.
Et iam pallida lectulo iacebat
Imis visceribus faces anhelans
Iactandoque suum fovebat ignem,
Quem stulti medici febrem putabant.
Tum tu sedulus assides cubanti
Et tangis digitos, et ora mulces.
Solum te videt, audit illa solum,
Et lusus faciles, iocosque molleis
Tanti iam putat ut valere nolit
Sed mox fortior exsilit cubili,
Et firmam recipit, suasque vires
Quid mirum? gravis est Deus Cupido
Dum luctamur adhuc, levis sed idem
Cum victi dominum fatemur ultro.
Sic nunc illa suo calore gaudet
Et vitam putat hoc, quod ante morbum.

[fol. 68v]

1611 Hug: Grotii ad Joan: Reygerspergium