Cloosterken der gheestelijcke verryssenisse ofte der ontwordentheyt
(1639)–Lucas van Mechelen–
AuteursrechtvrijWijse: Il faudroit bien que la Constance. Oft: Wie sal hier soo komen tieren. Oft: Komt Maeghden, &c. Affli. Oft: Wat is de doodt. Req. 46.Als ick naer-liep dat eeuwigh leven,
Dat ick door een versterven vondt,
Den Leydtsman in den wegh verheven,
Die ick ghingh inder zielen grondt,
Was d’bloot Gheloof, waer ick me quam,
Daer ick Godts Cloosterken vernam.
Aan alles had ick een vergheten,
En hiel alleen Godt in’t ghedacht,
Met t’ghemeys Godts was ick beseten,
Daer nam ick op gheduerich acht,
En ghingh soo met t’Gheloove bloot
Naer t’Cloosterken der weelden groot:
| |
[pagina 30]
| |
Als oft ick had in my sien blincken
Dat over-Goddelijck aenschijn,
Ghingh ick den wegh met een versincken
Gheleydt door dat gheloove mijn
Naer t’Cloosterken als klaer verlicht
Ghingh met t’Gheloove mijn ghesicht.
Nochtans wast langh eer dien luyster
My van Godts klaerheydt sonderlingh
Bly voorscheen in die baene duyster,
Die ick met bloot Gheloove ghingh,
Als ick in my soo ick best moecht,
Dat Cloosterken in’t duyster soecht.
In’t duyster segh ick sonder vinden
Soecht ick, tot dat in my verdween
Mijns herten nacht door des Beminden
Klaerlichte, dat my inne-scheen:
Naer t’Cloosterken nochtans ghestiert
Recht van t’Gheloof mijn ziele wiert.
Mijn duysternissen my bestreden,
En pooghden my te drijven uyt,
Maer het Gheloof trock mijne reden
Met vasticheydt tot Godts besluyt,
Versekerende dat ick souw
Noch t’Cloosterken sien door mijn trouw.
Al vielt m6y swaer naer d’licht te wachten,
En voordts te gaen in blinderwijs,
Soo ded’ nochtans t’Gheloof my trachten
Naer dat inwendich Paradijs,
Als oft ick had ghesien den dagh,
Die ick in t’Cloosterken Godts sagh.
| |
[pagina 31]
| |
Ick brack door alle hindernissen,
Ken sach naer klaer noch naer onklaer,
Ken kost met het Gheloof niet missen,
Weer dat ick ver’ was ofte naer,
Die seker was in mijn ghemoedt
Van t’Cloosterken, van t’hooghhste goedt.
Oprechte trouw en heeft gheen kijken
Dan naer ghetrouwicheydt alleen,
Daerom ghinck ick sonder beswijcken
Naer jaeghende dat vrolijck Een,
Daerom met d’bloot Gheloof verheught
Liep ick naer t’Cloosterken vol vreught.
|
|