Het leven van Augustijn Ioorisz. Schilder van Delft.
De heerlijcke stadt Delft en was geen cleen vermaertheyt verschenen, te hebben in de
Schilder-const, en hadde t'ongheluck door vroeghe doot haer niet ontnomen haer jongh Borgher,
Augustijn Ioorisz. Hy was geboren te Delft, in't Iaer ons Heeren 1525. Sijn Vader was een
Brouwer, gheheeten Iooris Iansz. welcken zijnen soon Augustijn bestelde te leren
schilderen te Delft, by eenen Iacob Mondt, een ghemeen Schilder, alwaer hy bleef ontrent dry
Iaren. Vertreckende is ghecomen te Mecchelen, alwaer hy oock by eenigh Meester was, en reysde
van daer voorts na Parijs in Vranckrijck, begevende hem aldaer te woonen by eenen Mr. Pieter de la Cuffle, een
fraey Plaetsnijder: welcken onder ander heeft ghesneden de dry Spinsters van Rous, en eenen
viercanten Hemel van onder op te sien. Hy was doch geen Schilder, maer huys houdende, en
woonende met zijn broeder, die beneffens gout-smeden altijt een Schilder en Beeldt-snijder hielden
werckende by hun in huys, gaven Augustijn by hun te wercken. Doe Augustijn hier vijf
Iaer hadde ghewoont, quam weder te Delft, daer hy met een cleen getal van stucken te maken, te
weten, vijf, hem selven grooten naem heeft ghemaeckt. Hy was een goet Meester in groote
beelden, en te schilderen ordinantien. Tot zijn broeder te Delft een Goutsmit, zijn eenighe dinghen van hem,
insonderheyt een S. Anna gheslacht, seer wel gheschildert, en gracelijck verdreven, en wort
seer ghepresen. Landtschap heeftmen hier te Lande van hem niet ghesien. Doe hy nu vijf maenden
t'huys was gheweest, noch vry gheselle wesende, is ghevonden doot, en verdroncken achter in
eenen Borneput, sonder datmen weet hoe dit gheschiet is, dan dat uyt seker teyckenen ghemerckt
wiert, dat hy hadde willen bereycken water tot den wit-pot, oft primmer borstelen, en dat zijn
voeten
Auteursrechtelijk beschermd