Van Ctesidemus, Schilder.
Hier hebben wy den knecht voor den Meester ghestelt: maer en hebben van desen Ctesidemus niet bysonders, dan dat hy seer gheruchtich is geworden te hebben gheschildert de inneminghe der Stadt Ochalia, die Hercules te vyer en te sweerde verbrande, om dat Eurytus den Coningh hem weygerde zijn dochter Iole te gheven. Oock hadde hy ghemaeckt een Laodamia, dit was de huysvrouwe van eenen Protesilaus, in wiens armen sy starf, doe sy hem doot sagh: hier van worde Ctesidemus oock seer vermaert. Van waer hy was, is my niet bekent.
Auteursrechtelijk beschermd