Middelnederlandsche dramatische poëzie
(1907)–P. Leendertz (jr.)–
Auteursrecht onbekend
[pagina 198]
| |
Ga naar margenoot+Een ghenouchelicke clute van Nu Noch, van IIIJ personagien te weten, den man, den ghebuer, dwijf ende die pape.
Den man.
Eijlacen, die altoos is gheplaecht
Ende nemmermeer blijden dach en bejaecht,
Hem magh wel langhe dijncken den tijt.
Als ic buten ben, hebbic eenigh jolijt,
5[regelnummer]
Maer als ic thuus ben, leijt mijn herte ghebonden;
Zo minnelic ben ic ghelevert den honden!
Mijn wijf, zij loddert, zij bouft;
Dan es mijn herte zo zeere bedrouft.aant.
Dat waer te liene, om claer vermanen;
10[regelnummer]
Zij doet mij lachen, dat mijn ooghen tranen,
Zoo stijf versetse mijnen capproen.aant.
Den ghebuere.
Ghebuere, hoe vaerdij?
Man.
Lieve ghebuere, wat zoude ic doen?
Mijn wijf es teghen mij zo quaet.
Ghebuere.
En beteret niet?
Man.
Wacharmen! Jaet,
15[regelnummer]
Achter waert, als de hinne schert.
Ghebuere.
Anders niet?
| |
[pagina 199]
| |
Ghebuere.
Ic zal u leeren een rene
20[regelnummer]
Daermede zuldijse up een ander ploije brijnghen.
Man.
Up een ander ploije? ic heb van als gheproeft.
Ghebuere.
Tsuere metten zoeten?
Man.
Ja, al datter behoeft,
Tquaet met goet, tes alleleens.
Ghebuere.
En blijvet noch altoos even quaet?
Ghebuere.
Ic zal u wel raet gheven op een cort.
Man.
Dat beteren zal?
Ghebuere.
Godt weet.
Man.
Nu zecht mij dan.
Ghebuere.
Verstaet wel tbescheet:
Als ghij thuus compt, een voor al,
| |
[pagina 200]
| |
30[regelnummer]
Spreect zij van quaet, zo zij ooc zal,aant.
Watse u smijt of wat zij u doet,
Zecht altoos nu noch.
Waer dat goet,
Dat waer tghene dat ic haer hiete.
Ende in zij mij trocke, smete of stiete,aant.
35[regelnummer]
Zeij ic nu noch, ic weet wel te vooren,
Zij sloughe mij doot, dat waer verloren!
‘Haut, dat nu noch dat wert u droufheijt swaer,’
Dat zou zij zegghen.
Ghebuere.
Daer en vraecht niet naer;
Ghij moetet herden, groot en cleene.
Man.
40[regelnummer]
En zoudic altoos nu noch zegghen?
Ghebuere.
Ja ghij, al teenen
Man.
Goij, zo zoudic langhe nu noch zegghen.
Ghebuere.
Tot dat ghijze verwect.aant.
Man.
Hoe zoudic pijnen mi dat an te leggen?
Gheefse mij een smete, ic zegghe nu noch,
Zo gheefse mij dusent mael meer toch.
45[regelnummer]
Hoe zal ict daer mede maken?
Ghebuere.
En of zij namaels wel stoffeerde u caken
Met goeder spijse na u ghevoech?
Man.
Ga naar margenoot+Ja ic, man, mij passeerdet ghenouch
| |
[pagina 201]
| |
Nu noch te zegghen even stijf,
50[regelnummer]
Gaefze mij wel tetene.
Ghebuere.
Jaese. Up u lijf,
Herderet in smijten in eenen doene,aant.
Ghij zullet huer maken alzoo ghewone,aant.
Dat zij haer zal vervaren dan
En wanen, dat ghij uus sins mist.aant.
Man.
Dats rechs die man!
55[regelnummer]
Mochmense alzo ontrechten!
Ghebuere.
Jaet, zechdij nu noch.
Man.
Ja ic, bij allen gho .. n knechten,
Ic zal nu noch zegghen, wat zij mij doet.
Ghebuere.
So dat ic zal haer maken vroet,
Dat sij u heeft al dul ghesmeten,
60[regelnummer]
Ende dat ghij van den duvel zijt beseten:
Dat heefse met haren smijten ghedaen.
Man.
Dat wort een groote boerde!
Ghebuere.
Nu, ghij zout gaen.
Gaet henen thuuswaert, rasch.
Ghebuere.
Gaet henen, gaet henen, ic warpe u eenen schoelap naer
65[regelnummer]
Dat ghij wel herden moet in dezen,
Want het zal zekere vremt te hooren wezen;
Daer wort een groot gheschal.
| |
[pagina 202]
| |
De man.
Nu, dus vooren!
God zeghent hier al!
Zet ons teten ende te drijncken, haest u snel!
70[regelnummer]
Wat duvel, waer blijfdij?
Dwijf.
Ke, zecht heer, willecomme, schoonspel,
Zecht drut: waer hebdij ghebeijt zo langhe?
De man.
Nu noch.
Wijf.
Ja, ghaet u ghanghe,
Ic wedde, ic prouf u.
Man.
Nu noch.
Wijf.
Ga naar margenoot+Swijght! Godt bedrouve u,
75[regelnummer]
Dat ghij dus langhe leeft, auden dwaes!
Man.
Nu noch.
Wijf.
Ja, goeij faes,
Nu noch? eijst nu anders niet?
Man.
Nu noch.
Wijf.
Hoort dit bediet:
Met dezen nu noch wat hebbic gheleden!
Man.
80[regelnummer]
Nu noch.
Wijf.
God moet u schaden en scheden;
Wat meendij hier me, vuil catijf?
| |
[pagina 203]
| |
Man.
Nu noch.
Wijf.
Ke, hoort doch dit bedrijf!
En zal mer anders niet zegghen?
De man.
Nu noch.
Wijf.
Laet ons met vreden met dezen nu noch!
85[regelnummer]
Die duvel schende u!
Man.
Ga naar margenoot+Nu noch.
Wijf.
Ic wedde, ic vinde u,
Dat u zal rauwen; ic zecht u claerlic.
Man.
Nu noch.
Wijf.
Dats emmer die duvel baerlic;
Ghij en vraechter niet nae, dat mercke ic doch.
Man.
90[regelnummer]
Nu noch.
Wijf.
Haut dat! zecht nu noch,
Vuil catijf! wat hebdij voren?
Man.
Nu noch.
Wijf.
Weij, tes al verloren!
Ic zals u noch gheven, dat u zal grouwen!
Man.
Nu noch.
| |
[pagina 204]
| |
Wijf.
Ic zal u zo douwen,
95[regelnummer]
Ghij zult dat nu noch achterlaten.
Man.
Nu noch.
Wijf.
En macht niet baten?
Ic en hoorde desghelijcx noijnt mijn leven.
Man.
Ga naar margenoot+Nu noch.
Wijf.
Goij, ic zals u ghenouch gheven,
Dat u grauwelen zal, zonder ghetal.
Man.
100[regelnummer]
Nu noch.
Wijf.
Bij goij, ic zal.
Haut dat! Wildijs noch meer?
Man.
Nu noch.
Wijf.
Aijmij, mijn hant doet mij zo zeer.
Al zoudij ramp hebben en die u droech,aant.
Wat meendij doch?
Man.
Nu noch.
Wijf.
105[regelnummer]
Dat es vremt bescheet,
Ja tvremste dat ic noijnt hoorde.
Man.
Nu noch.
| |
[pagina 205]
| |
Wijf.
Ic zal ghereet.
Haut dat! nu zecht nu noch al teenen.
Man.
Nu noch.
Wijf.
Wat mach hij hier mede meenen?
Ic en hoorde mijn daghen vremder abuijse.
Man.
110[regelnummer]
Ga naar margenoot+Nu noch.
Wijf.
Tjan, ic loope uuten huijse!
Lieve ghebuere, comt mij ter baten!
Ghebuere.
Wat ist, lieve ghebuere?
Wijf.
Dat zal ic u weten laten:
Wat ic mijnen man goet of quaet doe,
Hij zeijt altijts nu noch.
Ghebuere.
Ic zoude den pape halen daer toe:
115[regelnummer]
Den man heeft claer sijns sins ghemist
Met uwen smijtene.
Wijf.
Est dat dan best,
Dat wij den pape halen?
Ghebuere.
Jaet, Godt weet.
Dwijf.
Nu gaen wij dan!
| |
[pagina 206]
| |
Ghebuere.
Ic ga mede ghereet.
Nu gaen wij den pape halen, onder ons beeden.
Man.
120[regelnummer]
Aldus zoumen deze quade wijven beleeden!
Bij sent Jan, dats goeden raet,
Ga naar margenoot+Dat ic nu noch zeijde. Al es twijf quaet,
Ic hebse emmers versubtilt hier inne!
Zij waent, dat ic ben uuten zinne;
125[regelnummer]
Ic moeter om lachen, dats verloren!
Ic ben wijzer dan Zalemon hier te voren
Of Virgilus of Aristoteles met.
Dat ic nu noch zeij, was goet opset.
Ic zal haer quaetheit nu afbrijnghen.
130[regelnummer]
Ghelijc den cochuit zal ic zijnghen
Altoos nu noch tot mijnder vromen.
Zo waen se dat mijn nu es over comen,aant.
Ende zal mij steerckelic smeeken dan.
Dwijf.
Lieve heere, comt tot mijnen man,
135[regelnummer]
En ziet doch, wat hem deert.
Pape.
Wat mach hem ghebreken?
Wijf.
Hij zeijt altoos nu noch.
Pape.
Wat? dat sijn vremde treken.
Nu noch, wat ramp heeft dat inne?
Ghebuere.
Hij es claerlic uuten zinne.
Dwijf heeft hem ghestooten en ghesmeten,
140[regelnummer]
Dus mach hij wel zijn bezeten
Om deze onverduldicheijt swaer.
| |
[pagina 207]
| |
Pape.
Ga naar margenoot+Ic zal met u gaen tot daer.
Haelt mij mijn stoole ende mijnen bouc
Ende mijnen quispele.
Ghebuere.
Dit wort een schoon besouc!
145[regelnummer]
Nu zullen wij weten wat nu noch bediet.
Pape.
Nu gaen wij rasch.
Wijf.
Hier wonic, heere, ziet.
Dit es mijn man, spreect hem toe.
Pape.
In nomine patris et filii.
Man.
Nu noch.
Wijf.
Ic zegghe, den man es claer beseten
150[regelnummer]
...............
Des zoudic meenen.
Man.
Nu noch.
Pape.
En spreect hij anders niet alteenen
Dan nu noch?
Wijf.
Neen hij, heere,
Dit heeft hij curts anghenomen.
Ga naar margenoot+Pape.
Ja vrient, tot uwer vromen
| |
[pagina 208]
| |
155[regelnummer]
Ic wil u belezen en besweeren
Ende manen, bij al dat u mach deeren,aant.
Bij nach rudders ende bij avond troncken,aant.
Die achter den hoven de belle cloncken,
Bij cocketoijsen, bij neckers, bij maren,
160[regelnummer]
................
Ende bij den drollen int weer weghen,
Bij catten die te danssen pleghen
Tswomsdaechs, ende bij varende vrauwen,
Dat ghij zecht, up goeder trauwen,
165[regelnummer]
Wat u letten mach of ghebreken.
Man.
Nu noch.
Pape.
Wat? En condij anders niet spreken?
Wijf.
Neen hij, zeker, heere.
Pape.
Tjan, noch bemane ic u meere
Bij den zonnen boom en bijder manen,aant.
170[regelnummer]
Die Allexander verfierde in wanen,
Ende bij alle doode papen,aant.
Ende ic bemane u bij alle die gheselschapen,
Dat te Babeloniën leijt up tcasteel.aant.
De man.
Nu noch.
Ghebuere.
Ofmen hem teten gave?
Pape.
Ja, ja, wilt hem dat vooren zetten
Vanden besten ghezoden en ghebraden.
| |
[pagina 209]
| |
Wijf.
Ic heb hier een stic van eender vladen;
Wil ic prouven of hijse mach?
Man.
180[regelnummer]
Nu noch.
Ghebuere.
Nu rasch, zonder verdrach.
Haelt hem te eten, hij zal claer ghenesen.
Man.
Nu noch.
Man.
Nu noch.
Pape.
Hij machse wel ter kuere.
185[regelnummer]
Ic zie wel, de man en heeft gheenen noot.
Ghebuere.
Ga naar margenoot+Vrauwe, tes u schult cleen en groot:
Gaefdij uwen man wel tetene
En ghij hem niet en waert zo fel,
190[regelnummer]
Den man zoude hem hebben wel.
Man.
Nu noch.
Pape.
Ghij moet den man smeeken schiere.
Wijf.
Ic zal, heere, in alder maniere,
En bidden hem vergheeffenesse van alle mijn mesdaet.
| |
[pagina 210]
| |
Jan, vergheeft mij, dat ic u oijnt was zo quaet
195[regelnummer]
Ende oijnt zo fel was teghen u.
Man.
Ic vergheeft u gheerne.
Ghebuere.
Ja, wat zechdij nu?
Den man es ghenesen ter stont.
Wijf.
Hoe vaerdij, Jan? hoe vaerdij, Jan?
Man.
Ic ben al ghezont,
Als ghij mij niet meer quaet en zijt.
Wijf.
200[regelnummer]
Neenic, nemmermeer.
Pape.
Ga naar margenoot+Godt zij ghebenedijt,
Die man es vanden evel ghescheijden.
Adieu, vaert wel.
Wijf.
Heere, Godt wil u gheleijden,
Ghij hebt mijn herte ghepaeijt ter deghe.
Ic wil ooc gaen.
Ghebuere.
Dwijf es up weghe,
205[regelnummer]
Wij mueghen wel spreken met goeden raet:
Dat ic u nu noch dede zegghen,
Was dat niet goeden raet?
Man.
Bij Sent Jacob, jaet;
Maer metten eersten was ic daerom ghesmeten.
| |
[pagina 211]
| |
Ghebuere.
210[regelnummer]
Maer nu hebdij namaels goede vladen gheten.
Man.
Dat doe ic, sekere.
Ghebuere.
Ic en zach noijnt wijf bat beghect.
Wanneer si meer haer manheijt stectaant.
Of dat zij quaet spreect, een vooral:
Zecht altijts nu noch.
Man.
Ga naar margenoot+Bij sent Thoon, ic zal,
215[regelnummer]
Want anders gheen zaken en mach mij vromen.
Ghebuere.
Ja, zo meent zij, dat u curen over comen,
Ende ghij zullet al te boven blijven.
Dwijf.
Aij, lodders, datmen u moet ontlijven!
Dat hebbic al te male ghehoort!
Man.
220[regelnummer]
Wacharmen! wacharmen!
Ghebuere.
Moort!
Moort! dwijf zal ons vernielen!
Wijf.
Nu zecht nu noch!
Man.
Ic en zal, bij mijnder zielen,
Nemmeer, seker, lief wijf.
Wijf.
Suldijt meer zegghen?
| |
[pagina 212]
| |
Man.
Neen ic, up mijn lijf,
225[regelnummer]
Twas mijn ghebuere, diet mij riet.
Ghebuere.
Tjan, heere, ic en riet u niet:
Daerom willet mij verdraghen.
Wijf.
En wettij niet, dat hem misvalt met vlaghen,aant.
Die zijn hant steect tusschen schus en boom?
Ga naar margenoot+Ghebuere.
230[regelnummer]
Och ic kenne dat waer es!
Wijf.
So nemes goom.
Elc wacht hem, die wel wil varen.
Godts gratie wil ons allen bewaren.
Die vader, die zone, die helighe gheest
Verleene ons zalicheit alder meest.
|
|